"ოქრუაშვილს ადრით მერაბიშვილს?!""ხაჩირაშვილისა და ხიზანიშვილის საქციელი ელემენტარული მედროვეობაა""ნაცმოძრაობა" რომ იყოს ხელისუფლებაში, კი ვნახავდი, სადაც იქნებოდა ივანიშვილი..."გიგი უგულავასთვის მერის უფლებამოსილების შეწყვეტას საზოგადოებაში დიდი გამოხმაურება მოჰყვა, ჩვენ დავუკავშირდით საზოგადოებრივი მაუწყებლის ყოფილ ხელმძღვანელს, გია ჭანტურიას და ამ თემაზე კომენტარი ვთხოვეთ:- ნებისმიერი არჩეული თანამდებობის პირისთვის უფლებამოსილების შეჩერების წინააღმდეგი ვარ.თუ კანონით მოსამართლეს ჰქონდა უფლება ამ გადაწყვეტილების მიღებსა, ჩემი აზრით, ეს არის არასწორი და კანონმდებლობაში უნდა შევიდეს ცვლილება, რათა მსგავსი ფაქტები აღარ განმეორდეს.- თუ მოხდა ისე, რომ არჩეულმა პროვნებამ ჩაიდინა დანაშაული... -სხვა მექანიზმი უნდა იყოს გამოყენებული, მაგ. იმპიჩმენტი. პროკურორს და მოსამართლეს ღამის პირველ საათზე არ უნდა ჰქონდეს ამის გაკეთების უფლება. როცა პიროვნება არჩეულია ასიათასობით ადამიანის მიერ, ორ ადამიანს მისთვის უფლებამოსილების შეჩერების უფლება არ უნდა ჰქონდეს.- უგულავამ თავის თანაგუნდელებს (ტარიელ ხიზანიშილს, ნიკო ხაჩირაშვილს) სულმდაბლები უწოდა, რადგან მათ ჩვენება მისცეს პროკურატურას. რამდენად სწორია ეს?-აქ საქმე გვაქვს ღალატის ინსტიტუტთან - როცა ადამიანი 9 წელი ერთი გუნდის წევრი ხარ და უცებ სხვაგან გადაბარგდები, ეს ელემენტარული მედროვეობაა... გამოძიება ამ ხალხის წინააღმდეგაც მიდიოდა და ახლა არცერთ მათგანზე აღარაა საქმე აღძრული და დავიჯერო, ამაში ვერაფერ განსაკუთრებულს ვერ ხედავთ?!-როგორ ფიქრობთ, რატომ არ ჩამოდის ექს-პრეზიდენტი და არ უდგას გვერდით თავის თანაგუნდელს?- ეგრე თუა, ბიძინა ივანიშვილიც არ იღებს საქართველოს მოქალაქეობას და რატომ?- ვერ მიგიხვდით, რა შუაშია ივანიშვილი, თუმცა სააკაშვილისგან განსხვავებით ის აქაა...- მისი ხელისუფლებაა და აქაა, აბა, არ ყოფილიყო მისი ხელისუფლება კი ვნახავდი, სადაც იქნებოდა. "ნაციონალური მოძრაობა", რომ იყოს ხელისუფლებაში, როგორ გგონიათ, ივანიშვილი ჭორვილაში იქნებოდა?- აბა სად იქნებოდა?- ალბათ, საფრანგეთში ან რუსეთში. იცით რაა, "ნაციონალურ მოძრაობას" არცერთი პოლიტიკური ოპონენტი არ დაუპატიმრებია. ზოგადად, შეიძლება, უფრო ლმობიერი პოლიტიკა ყოფილიყო, მაგრამ არცერთი პოლიტიკური ლიდერი (ისინიც კი, რომლებიც ღიად თანამშრომლობდნენ ოკუპანტი ქვეყნის ხელისუფლებასთან) არ დაუპატიმრებიათ.- ირაკლი ოქრუაშვილი არ იყო პოლიტიკური ლიდერი?-ჯერ ერთი, ირაკლი ოქრუაშვილი მათი გუნდის წევრი იყო და მეორეც, ის გაუშვეს საფრანგეთში. ოქრუაშვილს ძალიან ბევრი შეეშალა და საერთოდაც, ირაკლი ოქრუაშვილს ადრით ვანო მერაბიშვილს?! ის მხოლოდ 1 თვე იჯდა ციხეში და შემდეგ გაუშვეს საფრანგეთში.- და საფრანგეთმა მისცა პოლიტიკური თავშესაფარი. ეს არაფერზე მეტყველებს?-ჰო, საფრანგეთმა მისცა პოლიტიკური თავშესაფარი, ისევე, როგორც ადეიშვილს აქვს ერთ-ერთ ქვეყანაში, რადგან მან მოასწრო ქვეყნის დატოვება.-ბატონო გია, ოფიციალურად არცერთი ქვეყნისგან ზურაბ ადეიშვილს პოლიტიკური თავშესაფარი არ აქვს.- ოფიციალურად არ გაცხადებულა, მაგრამ როგორც მე ვიცი, უნგრეთში აქვს.- ოქრუაშვილს ოფიციალურად ჰქონდა პოლიტიკური თავშესაფარი ანუ საფრანგეთის მთავრობამ იგი მიიჩნია პოლიტიკურად დევნილად.- მხოლოდ მას მერე, რაც ციხიდან გამოუშვეს. აქედან საფრანგეთის სპეცსამსახურებს ხომ არ წაუყვანიათ?! ხოლო სად წავიდოდა, უშუალოდ მისი გადასაწყვეტი იყო. კიდევ გავიმეორებ, რომ დამნაშავე აუცილებლად უნდა გასამართლდეს, მაგრამ როდესაც ღირსების სახელით მოდიხარ, უნდა იცოდე, რომ ღირსება გაცილებით მეტია, ვიდრე რუსეთში მანდარინის გაყიდვა. ღირსება არაა, როცა გმირი ანწუხელიძის პლაკატს დახევ, რათა რუსეთის მოყვარულებმა კრება მშვიდად ჩაატარონ. ღირსების აღდგენა შურისძიებაში არ უნდა გადაიზარდოს. კარგად მახსოვს, რომ წინა არჩევნების დროს კარგად იყენებდნენ პატრიარქის სახელს და ავტორიტეტს. მახსოვს, ერთხელ მან უთხრა ახლანდელი ხელისუფლების წარმომადგენლებს, დაანგრიეთ საპატიმროები და ეკლესიები ააშენეთო, მაგრამ ისინი მაშინ თავს აქნევდნენ და ახლა პირიქით აკეთებენ: ანგრევენ ეკლესიებს.-სად ანგრევენ ეკლესიებს?-მე ამას პირდაპირი გაგებით არ ვიძახი და ეს არც პატრიარქს არ უთქვამს პირდაპირი გაგებით. სამართალი უნდა იყოს სამართლიანი და არ აქვს მნიშვნელობა, უგულავა იქნება თუ ივანიშვილი, ყველამ უნდა აგოს პასუხი, მაგრამ სასამართლო სხდომის დასრულებიდან ერთი საათის მერე, როცა ვიღაც-ვიღაცეები თითს დაუქნევენ მოსამართლეს და ის ისე მიიღებს გადაწყვეტილებას, ეს აღარაა სამართალი.-სხვათაშორის, ამ მოსამართლემ 14 წლის გვანცა ყუფარაძეს, სრულიად აბსურდული ბრალდების გამო მიუსაჯა 10 წელი, ეს რატომ არ გააპროტესტეთ?- ანუ მაშინაც ცუდად მოიქცა და ახლაც. თქვენი აზრით როდის იყო მოსამართლე მართალი, მაშინ თუ ახლა?-ჩემი პოზიცია საზოგადოებისთვის ნაკლებად მნიშვნელოვანია. თქვენ, ცნობადმა სახემ, რატომ არ გააპროტესტეთ ეს ფაქტი?- კარგით რა, ასე უამრავ რაღაცას ამბობენ. იმასაც ამბობენ, რომ საწვავიდან ლარი სააკაშვილის ჯიბეში მიდიოდაო და მართალია?! ეს ჩვეულებრივი მომენტია და ყველა ქვეყანაში ეგრეა. 2003 წელს, დიდი შანსი იყო, რომ 90-იანი წლების მოვლენების ყველა დამნაშავე (ვინც საშინელებები აკეთეს სამეგრელოში) გაესამართლებინათ, მაგრამ წინა ხელისუფლებამ თქვა, დავამთავროთ შურისძიებაო, ესენი კი ყველაფერს თავიდან იწყებენ. მუდმივად არც ესენი იქნებიან და რა გამოდის, ახლმა ხელისუფლებამ ამათი დასჯა უნდა დაიწყოს? და ასე გაგრძელდეს დაუსრულებლად?.- "ნაცმოძრაობის" მმართველობის დროს არასოდეს კეთდებოდა აქცენტები ამ შეცდომებზე, რატომ?- რა თქმა უნდა, ესენი რა, აღიარებენ თავის შეცდომებს? რუსეთის ბაზრის გახსნამ რომ არ გაამართლა, ამას ვინმე აღიარებს? მაინტერესებს, რატომ არაა დაპატიმრებული ჩოკუტაევი, თუ კეზერაშვილს უცებ პოულობს ინტერპოლი, "ოდნოკლასნიკის" ფოტოიან ჩოკუტაევს რატომ ვერ ეძებს? ამ ყველაფერს აღიარებს ვინმე, რომ მათი ბრალია? როცა გამოდიხარ და იძახი – ეკონომიკაში იმიტომ არის პრობლემები, რომ წინა 9 წელი "ნაციონალური მოძრაობა"იყო ხელისუფლებაშიო, რატომ ავიწყდება, რომ 9 წლის მანძილზე ყოველ მომდევნო წელი იყო წინაზე უკეთესი. ეს მსოფლიო ბანკის მონაცემია და არა ფინანსთა სამინისტროსი. ყბადაღებულ თემად იქცა 9 წელიწადი, ვიღაც ფეხს მოიტეხს – 9 წელიწადი, ვიღაცას მანქანა დაეჯახება – 9 წელიწადი. სამართლიანობა უნდა შეეხოს ყველას და არა შერჩევით პროვნებებს.ლადო გოგოლაძე (სპეციალურად საიტისთვის)
