"ხვიჩა არმანდო კვარადონა" - კვარაცხელია კვლავ შეუჩერებელია: ულამაზესი გოლი და "ნაპოლის" მორიგი გამარჯვება (ვიდეო)
სერია ა-ს 26 - ე ტურში ჩემპიონატის ლიდერმა "ნაპოლიმ" ბერგამოს "ატალანტას" უმასპინძლა და ანგარიშით 2:0 დაამარცხა.
პირველი ტაიმი მასპინძელთა დიდი უპირატესობით წარიმართა, მაგრამ ნეაპოლელებმა ანგარიშის გახსნა ვერ მოახერხეს. აქტიური იყო "ნაპოლის" ქართველი ვარსკვლავი ხვიჩა კვარაცხელია. ის უტევდა და ასევე ახერხებდა დახმარებოდა დაცვასაც. ამიტომ, სრულიად ლოგიკური იყო, მეორე ტაიმის დასაწყისშივე ჩვენებური მართლაც განუმეორებელი დრიბლინგი მოედნის ცენტრში და გატანილი გოლი, რომელიც თვის კი არა, შესაძლოა წლის საუკეთესო გოლებშიც კი მოხვდეს. მეტოქის თითქმის მთელი გუნდით გარშემორტყმულმა ხვიჩამ, მოახერხა კარისკენ დარტყმა და გოლის გატანა.
76-ე წუთზე ბერგამოელთა კარი უკვე ამირ რაჰმანიმ დალაშქრა და ორამდე გაზარდა ანგარიში.
"ხვიჩა არამანდო კვარადონა" - ასე მიხსენიებენ იტალიელები კვარაცხელიას დღეს გატანილი გოლის შემდეგ. (გააგრძელეთ კითხვა)