„პალიტრა L” გახდი საბავშვო ბესტსელერის ავტორი 2023-ს“ იწყებს - კონკურსში მონაწილეობის პირობები - კვირის პალიტრა

გამომცემლობა „პალიტრა L” საბავშვო ავტორების აღმოჩენას აგრძელებს და უკვე მეორედ იწყებს კონკურსს „გახდი საბავშვო ბესტსელერის ავტორი“, რომლის პირველი სეზონის გამარჯვებულთა ნამუშევრები უკვე გამოიცა და ასობით მკითხველი ჰყავს.

კონ­კურ­სის მი­ზა­ნია ქარ­თუ­ლი სა­ბავ­შვო ლი­ტე­რა­ტუ­რის გან­ვი­თა­რე­ბის ხელ­შე­წყო­ბა, ქარ­თვე­ლი სა­ბავ­შვო მწერ­ლე­ბის პო­პუ­ლა­რი­ზა­ცია და ახა­ლი ნი­ჭი­ე­რი ავ­ტო­რე­ბის წა­ხა­ლი­სე­ბა. კონ­კურ­სში მო­ნა­წი­ლე­ო­ბის მი­სა­ღე­ბად გა­ნა­ცხა­დე­ბის მი­ღე­ბა 1-ელი აპრილიდან იწყება და 30 აპ­რი­ლის ჩათ­ვლით გაგ­რძელ­დე­ბა.

· კონკურსზე მიიღება როგორც საბავშვო პროზა, ასევე პოეზია და ინოვაციური პროექტები სამ ასაკობრივ კატეგორიაში: 0-3 წწ., 4-6 წწ., 7-10 წწ.;

· ჟანრი და თემატიკა თავისუფალია;

· კონკურსზე მიიღება როგორც ინდივიდუალური, ასევე, ჯგუფური პროექტები, მაგ.: მხატვარი და მწერალი; რამდენიმე ავტორი და ა.შ.

· კონკურსანტს შეუძლია წარმოადგინოს ერთი ან მეტი განაცხადი;

· კონკურსზე მიიღება მხოლოდ ამ კონკურსისთვის შექმნილი ან ბეჭდური სახით გამოუქვეყნებელი ნაწარმოებები.

„გახდი საბავშვო ბესტსელერის ავტორში“ მონაწილეობის მიღების მსურველის განაცხადი უნდა შეიცავდეს შემდეგ ინფორმაციას:

1. გვარი, სახელი, ასაკი, საცხოვრებელი ადგილი, მოკლე ბიოგრაფია. გამოუქვეყნებია თუ არა ნამუშევრები კონკურსამდე (ასეთის არსებობის შემთხვევაში, საჭიროა მიუთითოს წყარო: წიგნი, პერიოდული გამოცემა, საიტი და სხვ.). ინფორმაცია უნდა გამოიგზავნოს WORD დოკუმენტით;

2. საკონკურსო ნაწარმოების დეტალური აღწერა/სინოპსისი (WORD დოკუმენტი,);

3. ნაწარმოები წარმოდგენილი უნდა იყოს WORD დოკუმენტით, შრიფტი - Sylfaen, ზომა 11, ხაზებს შორის დაშორება - სტანდარტული (Multiple).

განაცხადების რეგისტრაციის პროცედურა:

· ყველა მოთხოვნილი ფაილი უნდა გამოგზავნოთ 1 აპრილიდან 30 აპრილის ჩათვლით შემდეგ ელ.ფოსტაზე: konkursi@palitra.ge.

· კონკურსზე არ განიხილება:

· რეგისტრაციის ვადის გასვლის შემდეგ მიღებული განაცხადები

· არასრულყოფილი განაცხადები

· ენობრივად და სტილისტურად გაუმართავი ტექსტები;

· ტექსტები, რომლებშიც გამოიკვეთება უკვე გამოქვეყნებული ნაშრომების გამეორება-გამოყენების მცდელობა.

ნაწარმოებების შერჩევა, გამარჯვებულების გამოვლენა:

· ნაწარმოებებს სპეციალურად მოწვეული ჟიურის წევრები გაეცნობიან და 1 ივნისს გამოავლენენ მოკლე სიას.

· ივნისში ასაკობრივი კატეგორიებისა (0-3 წწ., 4-6 წწ., 7-10 წწ.) და მიმართულების (პოეზია, პროზა, ინოვაციური პროექტი) მიხედვით გამოვლინდება მაქსიმუმ 6 (ექვსი) გამარჯვებული.

(R)