პარლამენტის წინ იმართება "ნაციონალური მოძრაობის“ დაგეგმილი აქცია სლოგანით - "ერთად ევროპაში“
პარლამენტის წინ რუსთაველის გამზირზე საავტომობილო გზა გადაიკეტა. საკანონმდებლო ორგანოსთან იკრიბებიან აქციის მონაწილეები. "ნაციონალური მოძრაობის“ დაგეგმილი აქცია სლოგანით - "ერთად ევროპაში“ 18:00 საათზე დაიწყება.
პარლამენტის წინ მოწყობილია სცენა. იგეგმება სიტყვით გამოსვლები.
ამასთან, როგორც ცნობილია რუსთაველის მეტროსთან იკრიბებიან "ნაციონალური მოძრაობის“ ახალგაზრდული ფრთის წარმომადგენლები, რომლებიც აქციას მსვლელობით შეუერთდებიან.
ადგილზე მობილიზებულია პოლიცია.
"ინტერპრესნიუსი"