"კიდევ ვერ ვიჯერებ, რა მოხდა" - ნუცა ბუზალაძის ფურორი, გაოცებული ჟიური და ფეხზე წამომდგარი ამერიკელები: რა ხდება American Idol-ის გვერდზე მორიგი შოუს შემდეგ?
ქართველი მომღერლის, ნუცა ბუზალაძის წარმატებული გამოსვლები ამერიკულ მეგაპროექტ American Idol-ში გრძელდება. გუშინდელ ტურში მან ცნობილი ჰიტი Paris (Ooh La La) შეასრულა და შეიძლება ითქვას, რომ სცენაზე ნამდვილი ცეცხლი დაანთო.
აღფრთოვანებას ვერ მალავდა ჟიურიც. საოცარი შესრულების დროს ნუცამ მთელი დარბაზი აიყოლია. აღსანიშნავია ისიც, რომ American Idol-ის ოფიციალურ გვერდზე ყველაზე მეტი მოწონება და კომენტარი სწორედ ნუცას გამოსვლას აქვს.
"ოოჰ ლა ლა... ჯერ კიდევ ვერ ვიჯერებ რა მოხდა, გაოცებული ვარ ამ მოგზაურობით და შესაძლებლობებით!! მადლობა ყველას მხარდაჭერისთვის, სიყვარულისთვის და ხმებისთვის, რომელსაც ჩემთვის აგზავნით! ხმის მიცემისთვის კიდევ 6 საათი გვაქვს" - წერს ნუცა საოცარი გამოსვლის შემდეგ.
აღსანიშნავია, რომ ნუცა TOP 24 კონკურსანტს შორის არის და ახლა გადამწყვეტი მისი მხარდამჭერების აქტიურობაა. ქართველი მომღერალი სცენაზე მართლაც მაქსიმალურად იხარჯება, რაც არც ჟიურის ეპარება და არც აუდიტორიას.
ნახეთ რას წერენ ამერიკელები ნუცას გამოსვლის ამსახველი ვიდეოს კომენტარებში