"მე აღფრთოვანებული ვარ ამ პატარა გოგონათი" - რას ამბობს ნუცა ბუზალაძეზე ნინო სურგულაძე და რა ვიდეოს აქვეყნებს მომღერალი?
ქართველი მომღერალი ნინო სურგულაძე სოციალურ ქსელში ნუცა ბუზალაძის მხარდასაჭერ ვიდეოს აქვეყნებს:
"მე აღფრთოვანებული ვარ ამ პატარა გოგონათი, რომელიც თავისი მიზანდასახულობით და ნიჭიერებით მივიდა ამ საინტერესო საფეხურზე. ის არის ძალიან საინტერესო და კომპლექსური არტისტი, არის დიდი პროფესიონალი, არაჩვეულებრივად ფლობს თავის ხმას, როგორც ტექნიკურად, ვოკალურად, მისი ინტერპრეტაცია ყოველთვის ძალიან ორიგინალური და თვითმყოფადია, არავის არ ჰგავს.
ნუცა ძალიან ქარიზმატულია და გამორჩეულ ანაბეჭდს ტოვებს თითოეული გამოსვლიდან. ის ძალიან კეთილგანწყობილია და აქ ვხედავთ ძალიან კარგ ადამიანს.
მინდა გამოვიყენო საშუალება და დიდი სიყვარულით მივესალმო ნუცას დედას. რომელიც ნუცას #1 ფანია. ის ყოველდღიურად ცოცხლობს მისი წარმატებით", - ამბობს ნინო სურგულაძე.