ირინა ონაშვილი საბანკეტოდ გოგონებს საკუთარ კაბებს ჩუქნის
ირინა ონაშვილს ფართო საზოგადოება 2003 წლიდან იცნობს, როცა ის „მის საქართველოს“ გამარჯვებული გახდა. მას შემდეგ მოდელის კარიერა და პირადი ცხოვრება არაერთხელ გამხდარა განხილვის საგანი. ამის შემდეგ ირინა რამდენიმე ტელეგადაცემასა და სერიალ „ჩემი ცოლის დაქალებშიც“ გამოჩნდა. როგორც ჩანს, მოდელი აქტიური ცხოვრებითაა დაკავებული და კარიერაზე განსაკუთრებით ზრუნავს.
ირინა ონაშვილი 2009 წელს დაქორწინდა ლადო ვარძელაშვილზე, რომელიც მაშინ შიდა ქართლის გუბერნატორის პოსტს იკავებდა. წყვილს ორი ვაჟი ჰყავს - დავითი და საბა.
ამჯერად ირინა ონაშვილი სოციალურ ქსელში მიმართვას ავრცელებს და ამბობს, რომ სურს, საბანკეტოდ გოგოებს საკუთარი კაბები აჩუქოს. მან გარდერობიდან რამდენიმე კაბა აარჩია და თქვა, რომ კაბებს მათ აჩუქებს, ვინ სურვილს პირველი გამოხატავს. ირინამ აღნიშნა ისიც, რომ ეს ინიციატივა ბევრმა მოიწონა და კარგი იქნება, თუ სხვებიც გამონახავენ საკუთარ გარდერობში კაბებს, რომლებიც ამ სეზონზე ძალიან გამოადგებათ დამამთავრებელი კლასის მოსწავლეებს.