"მე მიყვარს "კვარა"... მსურს მასთან შეხვედრა და შევხვდები კიდეც" - ნეაპოლიტანელი ლამაზმანი ქართველ ვარსკვლავს ისევ სიყვარულს უხსნის
"ნაპოლის" ქართველი ვარსკვლავის ხვიჩა კვარაცხელიას პირადი ცხოვრებისადმი მედიის ინტერესი არ წყდება. ფეხბურთელის სასიყვარულო ურთიერთობის შესახებ არა მხოლოდ ქართული, არამედ იტალიური მედიაც აქტიურად წერს.
ამ ცოტა ხნის წინ ambebi.ge-მ ხვიჩას მამის ინტერვიუ გამოაქვეყნა, რომელმაც დაადასტურა, რომ ფეხბურთელი ნიცა თავაძეზე დაინიშნა. გოგონას შესახებ მედიაში ინფორმაცია პირველად შემოდგომაზე გამოქვეყნდა, ხვიჩას საგულშემატკივროდ ჩასული ნიცას ფოტოები ნეაპოლის სტადიონიდან კი სწორედ იტალიურმა მედიამ გამოაქვეყნა.
სხვა ცნობილი ფეხბურთელების ცოლებისა და შეყვარებულებისგან განსხვავებით, ნიცა სოციალურ ქსელში აქტიური არ არის. გოგონა სამედიცინო უნივერისტეტის პირველ კურსის სტუდენტია და სოციალური არხებიდან მხოლოდ "ინსტაგრამს" იყენებს, სადაც 56 000 გამომწერი ჰყავს, თუმცა პოსტებს თითქმის არ აქვეყნებს.
გოგონა პერიოდულად მხოლოდ სთორებად დებს ვიდეოებს და ფოტოებს, რომელიც ძირითადად მისი იტალიაში სტუმრობის დროს არის გადაღებული. იტალიური მედიის ინფორმაციით, ქორწილი ზაფხულში იგეგმება.
მანამდე კი წყვილიკომოს ტბას სტუმრობდა. ნიცამ საქმროსთან ერთად გადაღებული რომანტიკული ფოტოები "ინსტაგრამის" სთორიში გამოქვეყნა.