"ჩემს მეგობარ "ქოცებს" მინდა მივმართო:რადგან ნაცების დროს შიშით ხმას ვერ ვიღებდით, ამიტომ თქვენ გადაწყვიტეთ რომ სრულიად უკონტროლო გახდეს ამ ქალაქში ცხოვრება?"
მომღერალი ნატალია ქუთათელაძე ვაკეში, მოსაშვილი ქუჩაზე მომხდარ სროლას სოციალურ ქსელში ეხმაურება:
"ჩემს მეგობარ "ქოცებს" მინდა მივმართო კითხვით-ცენტრალურ უბანში, დღისით, ერთი თვის მანძილზე,მეორედ, ხალხმრავალ ადგილას სროლა, რომელ პოლიტიკურ მიდგომას გულისხმობს? რადგან ნაცების დროს შიშით ხმას ვერ ვიღებდით, ამიტომ თქვენ გადაწყვიტეთ რომ სრულიად უკონტროლო გახდეს ამ ქალაქში ცხოვრება?"ყველგან ხდება" არაა არგუმენტი და მაგ უსუსტესი შედარებების მოყვანით ნუ დაიღლით თავს", - წერს ნატალია ქუთათელაძე
თვითმხილველების ინფორმაციით, შემთხვევა მოსაშვილის ქუჩაზე მდებარე ერთ-ერთ კაფეში მოხდა. როგორც ისინი ამბობენ, ერთმა პირმა მეორეს დაახლოებით შვიდჯერ ესროლა.
ცნობილი ხდება, რომ კაფეში დაჭრილი პირი ფეხბურთელი გუგა ფირცხალავაა, რომელიც გავრცელებული ინფორმაციით, სხვა პიროვნებაში შეეშალათ.
ის ამ დროისთვის სიმონ ხეჩინაშვილის საუნივერსიტეტო კლინიკაშია გადაყვანილი, სადაც ოპერაცია უტარდება.
შინაგან საქმეთა სამინისტრომ თბილისში, მოსაშვილის ქუჩაზე, ერთ-ერთ კაფეში მომხდარი სროლის საქმეზე გამოძიება ორი მუხლით დაიწყო - 19/108-ე და 236-ე მუხლებით მიმდინარეობს, რაც განზრახ მკვლელობის მცდელობას და ცეცხლსასროლი იარაღის უკანონო შეძენა, შენახვა, ტარებას გულისხმობს.