ჩინეთის თავდაცვის მინისტრი აცხადებს, რომ აშშ-ს და ჩინეთს შორის ნებისმიერი “სასტიკი კონფრონტაცია” "აუტანელი კატასტროფა” იქნება მსოფლიოსთვის
ჩინეთის თავდაცვის მინისტრმა, ლი შანფუმ ამერიკის შეერთებული შტატები და მისი მოკავშირეები ინდოეთ-წყნარი ოკეანის რეგიონის დესტაბილიზაციის მცდელობაში დაადანაშაულა.
სინგაპურში გამართულ უსაფრთხოების სამიტზე გამოსვლისას, ლი შანფუმ აღნიშნა, რომ აშშ-ს და ჩინეთს შორის ნებისმიერი “სასტიკი კონფრონტაცია” "აუტანელი კატასტროფა” იქნება მსოფლიოსთვის.
ამასთან, ჩინეთის თავდაცვის უწყების ხელმძღვანელის განცხადებით, აშშ-ს სამხედრო ხომალდების ტაივანის სრუტეში ყოფნა მაგალითია იმისა, რომ ვაშინგტონი რეგიონში ქაოსს ქმნის.
“ისინი [ამერიკული სამხედრო ხომალდები] აქ არიან პროვოკაციისთვის“, - განაცხადა ჩინეთის თავდაცვის მინისტრმა.
"ინტერპრესნიუსი"