"მორჩა, რუსული კომპანია მაინც შემოვიდა" - ბიჭვინთაში "მოსკოვი რეზორტის" აშენება გადაწყდა: რუსული დელეგაციის აფხაზეთში ვიზიტის დეტალები და ადგილობრივების პოზიცია
"როგორც მოსალოდნელი იყო, რუსეთის დელეგაციის აფხაზეთში ვიზიტის მიზეზი ბიჭვინთის აგარაკებია, რომლის "ეფ ეს ბესთვის" გადაცემა ისე შეფუთეს, როგორც ბჟანიას ხელისუფლების პოლიტიკური, დიპლომატიური და ეკონომიკური წარმატება... მორჩა, ჩვენი პროტესტის მიუხედავად, ყველაფერი მოგვარდა, ბიჭვინთა 30 მილიარდ რუბლად გადაიფორმეს - ჩვენ კი ვიძახოთ, აფხაზეთი არ იყიდება! შემდეგ კი, შინ კმაყოფილები დავბრუნდეთ და ახალ ამბებში გავიგოთ, რომელ რუსულ კომპანიას რა გეგმების აქვს აფხაზეთში" - წერს აფხაზი აქტივისტი ელენ ამიჩბა.
abkhaz-auto.ru-ს ინფორმაციით, ამ ცნობების გავრცელებამდე, აფხაზეთში სამუშაო ვიზიტით რუსეთის სამთავრობო დელეგაცია იმყოფებოდა. ასლან ბჟანია რუსეთის ხელისუფლების წარმომადგენელი ალექსანდრე ნოვაკს შეხვდა, სადაც ერთობლივ სამომავლო გეგმებზე ისაუბრეს...
ადგილობრივების თქმით, მაშინ შეხვედრის დეტალები არ გახმაურებულა, მაგრამ რამდენიმე დღეში ცნობილი გახდა, რომ ნოვაკმა დელეგაციის სხვა წევრებთან ერთად, ბიჭვინთაში 46,5 ჰექტარზე გათვლილი სასტუმრო კომპლექსის "მოსკვა რეზორტისთვის" განკუთვნილი ტერიტორია დაათვალიერა.
ეს ის კომპლექსია, რომლის გარშემოც აფხაზეთში დიდი აჟიოტაჟი იყო ატეხილი და არაერთხელ აქციაც გაიმართა.
ბჟანია პირადად ხელმძღვანელობდა მარშრუტს, რომელიც სოხუმიდან ბიჭვინთის მიმართულებით გადაადგილდებოდა, რათა რუსეთის მაღალი თანამდებობის პირებისთვის აფხაზეთის პოტენციალი დაენახვებინა... დელეგაციაში იყვნენ ისეთებიც, ვინც ქვეყანაში ომის შემდეგ არ ყოფილა. მაგალითად, ფედერალური სამსახურის ხელმძღვანელის მოადგილე მიხაილ ბაბიჩი.
ამასთანავე, აფხაზეთს სტუმრობდნენ ეკონომიკისა და ენერგეტიკის მინისტრების მოადგილეები, სამხედრო-ტექნიკური თანამშრომლობის საკითხებში და რუსეთის პრეზიდენტის წარმომადგენლები და სხვ...
ადგილობრივი მედია წერს, რომ რუსული თანხები უკვე გადმოირიცხა, ის აფხაზურ ბიუჯეტს მოხმარდება და გაპროტესტება უკვე დაგვიანებულია. გააგრძელე კითხვა