რა იწვევს თავბრუხვევას და როგორ ვუმკურნალოთ - კვირის პალიტრა

თავბრუხვევა საკმაოდ გავრცელებული მდგომარეობაა და შესაბამისად, მისი გამომწვევი მრავალი მიზეზი არსებობს. სიმრავლის მიუხედავად, შესაძლებელია ამ მიზეზების ორ დიდ ჯგუფად დაყოფა:

· მიზეზთა ჯგუფი, რომელშიც შედიან შედარებით ნაკლებ საშიში სიტუაციური ფაქტორები, რომლებთან გამკლავებაც ადვილია;

· პათოლოგიურ მდგომარეობათა ჯგუფი, რომელიც კვალიფიციურ სამედიცინო ჩარევას საჭიროებს.

თავბრუხვევის გამომწვევი სიტუაციური ფაქტორები

შიმშილი და წყურვილი

შიმშილისას, როდესაც ორგანიზმი საჭირო ნივთიერებებს ვერ იღებს სათანადო რაოდენობით, ენერ­გი­ის დე­ფი­ცი­ტი, უპირ­ვე­ლე­სად, სწო­რედ თავ­ბრუხ­ვე­ვით ვლინდე­ბა, ეს სიმ­პტო­მი ვი­თარ­დე­ბა სის­ხლში შაქ­რის დო­ნის შემ­ცი­რე­ბი­სა­საც. რაც შე­ე­ხე­ბა წყურ­ვილს, აქ ყვე­ლა­ფე­რი გა­ცი­ლე­ბით მარ­ტი­ვი­ა, სითხის უკ­მა­რი­სო­ბა იწ­ვევს სის­ხლის შეს­ქე­ლე­ბას და ის გა­ცი­ლე­ბით ნე­ლა და ძნე­ლად მოძ­რა­ობს სის­ხლძარ­ღვებ­ში, შე­სა­ბა­მი­სად, საკ­ვე­ბი ნივ­თი­ე­რებე­ბი და ჟან­გბა­დი უჯ­რე­დებს შე­ფერ­ხე­ბით მი­ე­წო­დე­ბა და თავ­ბრუხ­ვევაც არ აყოვნებს.

ჰიპერთერმია: სითბური და მზის დარტყმა

ორ­გა­ნიზ­მში მა­ღა­ლი ტემ­პე­რა­ტუ­რის გავ­ლე­ნით ირ­ღვე­ვა გულ-სისხლძარ­ღვთა და ნერ­ვუ­ლი სის­ტე­მის მუ­შა­ო­ბა, შე­სა­ბა­მი­სად, ვი­ღებთ გამაფ­რთხი­ლე­ბელ სიგ­ნალს თავბრუხ­ვე­ვის სა­ხით.

ჟანგბადის უკმარისობა

ჟან­გბა­დი ერ­თობ სა­ჭი­რო და სა­სი­ცოცხ­ლო მნიშ­ვნე­ლო­ბის აი­რია ნე­ბის­მი­ერ ორ­გა­ნო­თა სის­ტე­მის ნორ­მა­ლურ მუ­შა­ო­ბას ის სა­თა­ნა­დო რაოდენობით სჭირდება, სწორედ ამი­ტომ მი­სი დე­ფი­ცი­ტი შე­ნობებ­ში, სახ­ლებ­ში, სა­მუ­შაო ად­გი­ლებ­ში, პი­კის სა­ა­თებ­ში სა­ზო­გა­დოებ­რივ ტრან­სპორ­ტში ზრდის თავ­ბრუხ­ვე­ვის გან­ვი­თა­რე­ბის ალ­ბათობას.

მექანიკური ზეწოლა კისრის სისხლძარღვებზე

ზოგ­ჯერ თავ­ბრუხ­ვე­ვა შე­საძ­ლოა გა­მო­იწ­ვი­ოს კი­სერ­ზე მჭიდ­როდ შეკ­რულ­მა სა­ყელომ, ჰალ­სტუხ­მა და შე­მოხ­ვე­ულ­მა შარ­ფმა.

ძილის უკმარისობა

ორგანიზმისთვის ძილი აუცილებელია, ამასთან, არსებობს მისი ასაკობ­რი­ვი ნორ­მე­ბიც. რამ­დე­ნი კო­ფე­ი­ნის შემ­ცვე­ლი სას­მე­ლიც უნ­და დალი­ოთ, ორ­გა­ნიზმს მა­ინც „ეძინე­ბა“, ამი­ტომ ქრო­ნი­კუ­ლი უძი­ლო­ბი­სას აუ­ცი­ლებ­ლად მი­ი­ღებთ ნერ­ვუ­ლი სის­ტე­მიდან სიგ­ნალს თავ­ბრუხ­ვე­ვის სა­ხით: დროა და­ი­ძი­ნო!

არაზომიერი ფიზიკური გადაღლა

არა­ნორ­მი­რე­ბუ­ლი ენერ­გი­ის ხარ­ჯვის პი­რო­ბებ­შიც შე­საძ­ლოა გან­ვითარ­დეს თავ­ბრუხ­ვე­ვა, ასეთ დროს აუ­ცი­ლე­ბე­ლია შეს­ვე­ნე­ბა და ძა­ლების სრულ­ფა­სო­ვა­ნი აღ­დგე­ნა.

წონის სწრაფი კლება

წო­ნის სწრა­ფი და მკვეთ­რი კლე­ბით იც­ვლე­ბა მრა­ვა­ლი ორ­გა­ნო­თა სის­ტე­მის მუ­შა­ო­ბის რე­ჟი­მი, რამ­დე­ნა­დაც იც­ვლე­ბა მა­თი მუ­შა­ო­ბის მასშტა­ბე­ბიც, პა­რა­ლე­ლუ­რად ცხი­მო­ვა­ნი ქსო­ვი­ლის დაშ­ლი­სას ორ­გა­ნიზმში წარ­მო­იქ­მნე­ბა კე­ტო­ნუ­რი სხე­უ­ლე­ბი, რომ­ლე­ბიც ორ­გა­ნიზ­მის ინტოქ­სი­კა­ცი­ას და თავ­ბრუხ­ვე­ვის ხშირ ეპი­ზო­დებს იწ­ვე­ვენ.

ავიტამინოზი

ვი­ტა­მი­ნე­ბის უკ­მა­რი­სო­ბა არ­ღვევს ორ­გა­ნიზ­მში უწყ­ვე­ტად მიმ­დინა­რე ნივ­თი­ე­რე­ბა­თა ნორ­მა­ლუ­რი ცვლის პრო­ცესს, რაც აუ­ცი­ლებ­ლად იჩენს თავს გაძ­ლი­ე­რე­ბულ თავბრუხ­ვე­ვა­ში.

მწვავე ფსიქოლოგიური სტრესი

უე­ცა­რი და მო­უ­ლოდ­ნე­ლი ძლი­ე­რი სტრე­სი­სას სის­ხლში ისე­თი ჰორმონები გადმოისროლება, რომლებიც არღვევენ გულ-სისხლძარ­ღვთა სის­ტე­მის ნორ­მა­ლურ მუ­შა­ო­ბას და თავ­ბრუხვევაც არ აყოვნებს.

ვრცლად და ამომწურავად ამ და სხვა საინტერესო თემებზე, როგორიცაა მაგალითად: ტკივილი, სისხლდენა, ხველა, ქოშინი, დაბუჟება, ქავილი და ა.შ. წაიკითხავთ „8 წიგნი ჯანმრთელობაზე“ მერვე ტომში, რომელიც 3 ივლისიდან ხელმისაწვდომია „ბიბლუსის“ წიგნის მაღაზიებსა და პრესის გავრცელების ადგილებში. წიგნების შეძენა ასევე შესაძლებელია ონლაინ, საიტზე www.palitral.ge

R