"ამ კონფლიქტმა აფხაზეთის მოსახლეობა 30 წელია სიბნელეში დატოვა... კონფლიქტის პროვოცირება რუსეთმა მოახდინა" - აფხაზი ბლოგერის სიტყვა ევროპარლამენტში: რა თქვა დაურ ბუავამ - კვირის პალიტრა

დაურ ბუ­ა­ვა აფხა­ზი ბლო­გე­რი და ახალ­გაზ­რდუ­ლი მოძ­რა­ო­ბა "ამ­რას“ წარ­მო­მად­გე­ნე­ლია, რო­მელ­მაც რამ­დე­ნი­მე თვის წინ სა­ქარ­თვე­ლოს მო­ქა­ლა­ქე­ო­ბა მი­ი­ღო და თბი­ლის­ში ცხოვ­რობს. ბუ­ა­ვა ევ­რო­პარ­ლა­მენ­ტში გა­მარ­თულ პა­ნელ­ზე "მდგრა­დი მშვი­დო­ბა სამ­ხრეთ კავ­კა­სი­ის რე­გი­ონ­ში“ სი­ტყვით გა­ო­ვი­და.

შეხ­ვედ­რის მო­ნა­წი­ლე­ებს ის აფხა­ზუ­რად მი­ე­სალ­მა და შემ­დეგ კი აფხა­ზეთს და კონ­ფლიქ­ტის მოგ­ვა­რე­ბის აუ­ცი­ლებ­ლო­ბა­ზე ისა­უბ­რა.

"ამ კონ­ფლიქტმა აფხა­ზე­თის მო­სახ­ლე­ო­ბა, აფხა­ზი ახალ­გაზ­რდო­ბა, 30 წე­ლია სიბ­ნე­ლე­ში და­ტო­ვა, მწი­რი ინ­ფორ­მა­ცი­აა. ბავ­შვო­ბი­დან მათ ეუბ­ნე­ბოდ­ნენ, რომ ქარ­თვე­ლი ხალ­ხი აფხა­ზე­ბის მტე­რი­აო. მე აფხა­ზი ვარ, აფხა­ზე­თი­დან, ორი წე­ლია თბი­ლის­ში ვცხოვ­რობ. ბევ­რი რამ ვნა­ხე და ბევ­რი რამ გა­ვი­გე. მე მეს­მის, რომ დღეს ქარ­თუ­ლი მხა­რე მარ­თლაც უწ­ვდის დახ­მა­რე­ბის ხელს აფხაზ მო­სახ­ლე­ო­ბას. აფხა­ზუ­რი ენაც კი სა­ქარ­თვე­ლოს კონ­სტი­ტუ­ცი­ა­შია შე­ტა­ნი­ლი და გა­თა­ნაბ­რე­ბუ­ლია ქარ­თულ ენას­თან, მაგ­რამ ჩვე­ნი ახალ­გაზ­რდე­ბი კარ­გად არ არი­ან ინ­ფორ­მი­რე­ბუ­ლე­ბი. და ამას აკე­თებს მე­სა­მე მხა­რე, რო­მელ­მაც პრინ­ციპ­ში, 30 წლის წინ კონ­ფლიქ­ტის პრო­ვო­ცი­რე­ბა მო­ახ­დი­ნა - ეს იყო რუ­სე­თი“, - თქვა ბუ­ა­ვამ.

ბლო­გე­რი მი­უ­ღებ­ლად მი­იჩ­ნევს, რომ "21-ე სა­უ­კუ­ნე­ში ქარ­თვე­ლე­ბი და აფხა­ზე­ბი, ორი ხალ­ხი, რომ­ლე­ბიც სა­უ­კუ­ნე­ე­ბის მან­ძილ­ზე გვერ­დიგ­ვერდ იყ­ვნენ და სა­ერ­თო ის­ტო­რი­ას ქმნიდ­ნენ, ახლა ცალ-ცალ­კე ცხოვ­რო­ბენ". გააგრძელე კითხვა