"ცოცხლები არიან თუ მკვდრები, არ ვიცით" - ერთ-ერთი მოქალაქე შოვში მყოფ შვილს და 3 შვილიშვილს ამ დრომდე ეძებს - კვირის პალიტრა

რაჭაში მყოფი ერთ-ერთი მოქალაქის განცხადებით, შვილს და 3 შვილიშვილს ამ დრომდე ეძებს. როგორც მან ჟურნალისტებს განუცხადა, არ აქვს ინფორმაცია, ისინი ცოცხლები არიან თუ არა.

„ვერ ვეკონტაქტებით, არავითარი კონტაქტი არ არის. შვილს და 3 შვილიშვილს ვეძებ. 3 შვილიშვილი მყავს, ცოცხლები არიან თუ მკვდრები, არ ვიცით. დასასვენებლად იყვნენ. 2 კვირით წავიდნენ“, -განაცხადა ერთ-ერთმა მოქალაქემ.

შოვში, სტიქიის ზონიდან ორი ვერტმფრენის საშუალებით მოქალაქეების ევაკუაციის პროცესი დილიდან განახლდა. ამ დროისთვის სტიქიის ზონიდან კიდევ 80-მდე მოქალაქე გამოიყვანეს. 70 ადამიანი სტიქიის ზონიდან ვერტმფრენებით გუშინ გამოიყვანეს. შოვში, მეწყერი 3 აგვისტოს ჩამოწვა. ბოლო ოფიციალური ინფორმაციით, მეწყერს 2 ადამიანი ემსხვერპლა.