სტიქიის ზონაში დაკარგულ მოქალაქეებს სპეციალურად გაწვრთნილი ძაღლებითაც ეძებენ - კვირის პალიტრა

ონის მუნიციპალიტეტში, სტიქიის ზონაში მიმდინარე სამაშველო ღონისძიებაში კინოლოგთა ჯგუფიც ჩაერთო, რომლებიც სტიქიის ზონაში სპეციალურად გაწვრთნილი ძაღლებით მუშაობენ.

ამის შესახებ ინფორმაციას შსს ავრცელებს.

„დღეს, 06:00 საათიდან სამაშველო ღონისძიებაში სასაზღვრო პოლიციის 2 ვერტმფრენი ჩაერთო, ადგილზე მობილიზებულია შესაბამისი ტექნიკაც. შემთხვევის ადგილზე ასევე, მუშაობენ იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის და საპატრულო პოლიციის დეპარტამენტის თანამშრომლები.

სამაშველო ღონისძიებაში ჩართულია საგანგებო სიტუაციების მართვის სამსახურის კინოლოგთა ჯგუფი, რომლებიც სპეციალურად გაწვრთნილი ძაღლებით მუშაობენ სტიქიის ზონაში“, - აღნიშნულია შსს-ის მიერ გავრცელებულ განცხადებაში.

შოვში, მეწყერი 3 აგვისტოს ჩამოწვა. ბოლო ოფიციალური ინფორმაციით, მეწყერს 2 ადამიანი ემსხვერპლა.

"ინტერპრესნიუსი"