"დე­დას მდგო­მა­რე­ო­ბა კა­ტას­ტრო­ფუ­ლად რთუ­ლია, ყო­ველ 2 წუთ­ში გო­ნე­ბას კარ­გავს და ვე­რა­ვის ცნობს. მა­მაც ძა­ლი­ან ცუ­და­დაა" - მარიტა გუტაშვილი 9 ახლობელს ეძებს - კვირის პალიტრა

შოვ­ში, და­მე­წყრილ ტე­რი­ტო­რი­ა­ზე ამ ეტაპ­ზე 16 ადა­მი­ა­ნის ცხე­და­რია ნა­პოვ­ნი. და­ღუ­პუ­ლი ადა­მი­ა­ნე­ბის ნა­წი­ლის ამოც­ნო­ბა, სამ­წუ­ხა­როდ, ვერ ხერ­ხდე­ბა. და­კარ­გუ­ლე­ბის ახ­ლობ­ლე­ბი დღეს ქუ­თა­ი­სის ექ­სპერ­ტი­ზის ბი­უ­რო­ში იმ­ყო­ფე­ბოდ­ნენ, რათა მათ ამო­ეც­ნოთ ცხედ­რე­ბი, თუმ­ცა რო­გორც აღ­მოჩ­ნდა, გვა­მე­ბი ისე­თი და­ზი­ა­ნე­ბუ­ლია, რომ დნმ-ს ნი­მუ­შე­ბის აღე­ბის და და­მა­ტე­ბი­თი კვლე­ვე­ბის გა­რე­შე მათი იდენ­ტი­ფი­ცი­რე­ბა ვერ ხერ­ხდე­ბა.

AMBEBI.GE მა­რი­ტა გუ­ტაშ­ვილს ესა­უბ­რა, რო­მე­ლიც 9 ახ­ლო­ბელს ეძებს:

"გავ­რცელ­და ინ­ფორ­მა­ცია, თით­ქოს სამი და­კარ­გუ­ლი ადა­მი­ა­ნი გა­მო­ვი­და კონ­ტაქ­ტზე, მაგ­რამ ტყუ­ი­ლია, თუ მარ­თა­ლი, არ ვიცი, მე არა­ვინ დამ­კავ­ში­რე­ბია. პრო­ზექ­ტუ­რი­დან მოვ­დი­ვართ, ცხედ­რე­ბის ამოც­ნო­ბა­ზე წაგ­ვიყ­ვა­ნეს. მე ისი­ნი არ მი­ნა­ხავს, იქ ვე­რაფ­რით შე­ვი­დო­დი, ძა­ლი­ან და­ზი­ა­ნე­ბუ­ლი­აო, მი­თხრეს. ფო­ტო­ებ­საც ვერ დავ­ხე­დე, შე­უძ­ლე­ბე­ლია ასე გარ­კვე­ვა. დნმ-ს ანა­ლი­ზი აგ­ვი­ღეს და იქ­ნებ ასე შეძ­ლონ მათი ვი­ნა­ო­ბის დად­გე­ნა.

დღეს ჩვე­ნი ძაღ­ლი - ბონი გა­მოჩ­ნდა, სტი­ქი­ის დროს არ ვიცი, სად იყო, ხან­და­ხან გა­დი­ო­და და სე­ირ­ნობ­და. ვი­ფიქ­რეთ, იქ­ნებ სა­ი­და­ნაც გა­მო­ვი­და, ჩვე­ნე­ბიც იქ იყ­ვნენ და ახლა იმ მი­და­მო­ებ­ში ეძე­ბენ ბი­ჭე­ბი. ბო­ნის გარ­და, 3 ძაღ­ლი გვყავ­და და არც ერთი არ ჩანს. ად­გილ­ზე საკ­მა­ოდ რთუ­ლი რე­ლი­ე­ფია, ტა­ლა­ხი სქელ­დე­ბა, რო­გო­რია იქ ძებ­ნა? ჯერ-ჯე­რო­ბით, იმე­დის მომ­ცე­მი არა­ფე­რია, არ­სა­ი­და­ნ ა­რა­ნა­ი­რი ნი­შა­ნი არ ჩანს, ვე­ლო­დე­ბი სა­მაშ­ვე­ლო სა­მუ­შა­ო­ე­ბის დამ­თავ­რე­ბას, ბი­ჭე­ბი თავს არ ზო­გა­ვენ.

ჩემი მშობ­ლე­ბი ცო­ცხლებ­ში აღარ წე­რი­ან, დე­დას მდგო­მა­რე­ო­ბა კა­ტას­ტრო­ფუ­ლად რთუ­ლია, ყო­ველ 2 წუთ­ში გო­ნე­ბას კარ­გავს და ვე­რა­ვის ცნობს. მა­მაც ძა­ლი­ან ცუ­და­დაა, მან­ქა­ნით დგას შე­მაღ­ლე­ბულ ად­გი­ლას და გა­მუდ­მე­ბით ჭოგ­რი­ტით ათ­ვა­ლი­ე­რებს არე­მა­რეს, იქ­ნებ ვინ­მე გა­მოჩ­ნდეს, ან ამო­იყ­ვა­ნონ". (გააგრძელეთ კითხვა)

იხილეთ ასევე: "ეს ერთი დამრჩა, ეს ძაღლი არ ვიცი, როგორ გადარჩა" - მარიტა გუტაშვილი, რომელიც მეწყრის შემდეგ მთელ ოჯახს ეძებს: ემოციური ვიდეო შოვიდან