"თურქეთის ერთ-ერთი მინისტრისთვის მისართმევად ელმავალი გამაკეთებინეს..." - 50 წლის ასაკში აღმოჩენილი ჰობი და საკერავი მანქანისგან შექმნილი უნიკალური ნივთები, რომლებიც აღფრთოვანებას იწვევს - კვირის პალიტრა

ვაჟა ხა­ჩი­უ­რი არის ადა­მი­ა­ნი, რო­მე­ლიც ძვე­ლი სა­კე­რა­ვი მან­ქა­ნე­ბის­გან სხვა­დას­ხვა უნი­კა­ლურ ნივთს ამ­ზა­დებს. უკვე 9 წე­ლია, ამ საქ­მით აქ­ტი­უ­რად და­კავ­და. შარ­შან, შე­მოდ­გო­მით, "ხე­ლოვ­ნე­ბის სა­სახ­ლე­ში“ პირ­ვე­ლი პერ­სო­ნა­ლუ­რი გა­მო­ფე­ნაც გა­მარ­თა.

რო­გორც ამ­ბობს, ტექ­ნი­კას­თან საქ­მე ყო­ველ­თვის ჰქონ­და, რად­გან პრო­ფე­სი­ით ინ­ჟი­ნერ-ენერ­გე­ტი­კო­სია და 30 წე­ლია, ერთ-ერთი ცნო­ბი­ლი კომ­პა­ნი­ის მთა­ვა­რი ენერ­გე­ტი­კო­სი.

"ახალ­გაზ­რდო­ბი­დან­ვე მიდ­რე­კი­ლე­ბა მქონ­და, რა­ღაც უც­ნა­უ­რი, უცხო, კრე­ა­ტი­უ­ლი ნივ­თე­ბის მე­კე­თე­ბი­ნა. ხე­ლით შექ­მნილ სა­ინ­ტე­რე­სო ნივთს რომ და­ვი­ნა­ხავ­დი, ვფიქ­რობ­დი - რა­ტომ არ შე­იძ­ლე­ბა, რომ მეც გა­ვა­კე­თო? თუ ადა­მი­ან­მა გა­ა­კე­თა, ე.ი. მეც შე­მიძ­ლია მისი შექ­მნა, ხომ? მაგ­რამ ამ სურ­ვილს და გა­ტა­ცე­ბას სე­რი­ო­ზუ­ლად არ ვუდ­გე­ბო­დი, თან ამის­თვის დროც არ მქონ­და. როცა უკვე შე­და­რე­ბით მეტი დრო გა­მო­მიჩ­ნდა, უც­ბად იდეა მო­ვი­და და ჩა­ვე­ჭი­დე,“ - გვე­უბ­ნე­ბა ვაჟა ხა­ზი­უ­რი, რო­მე­ლიც ძვე­ლი სა­კე­რა­ვი მან­ქა­ნის ნა­წი­ლე­ბის გა­მო­ყე­ნე­ბით შექ­მნილ ნა­მუ­შევ­რე­ბამ­დე ფე­რა­დი ლი­თო­ნე­ბით და კი­დევ სხვა მა­სა­ლით სხვა­დას­ხვა ნა­კე­თო­ბებს ქმნი­და...

- ამ ხნის მან­ძილ­ზე უკვე 2 შეკ­ვე­თა მი­ვი­ღე. 3-4 წლის წინ თურ­ქე­თის ერთ-ერთი მი­ნის­ტრის­თვის მი­სარ­თმე­ვად გა­მა­კე­თე­ბი­ნეს. ერთი შეკ­ვე­თა კი აზერ­ბა­ი­ჯან­ში წა­ვი­და. ორი­ვე ორ­თქლმა­ვა­ლი იყო.

ეს ყვე­ლა­ფე­რი მას შემ­დეგ, რაც ჩემი ნა­მუ­შევ­რე­ბის ნახ­ვით აღ­ფრთო­ვან­დნენ. მოკ­ლედ, ორ­თქლმა­ვა­ლი გვინ­დაო. არა­და, ორ­თქლმა­ვა­ლი ახ­ლოს არც მქონ­და ნა­ნა­ხი. მუშ­თა­იდ­ში კი იყო, მაგ­რამ მი­სით არას­დროს და­ვინ­ტე­რე­სე­ბულ­ვარ. მერე კომ­პი­უ­ტერ­თან დავ­ჯე­ქი, მო­ნა­ხა­ზე­ბი, სქე­მა შევ­ქმე­ნი. მის ახ­ლოს გაც­ნო­ბას ერთი თვე მო­ვან­დო­მე, ნელ-ნელა ვემ­ზა­დე­ბო­დი. შემ­კვე­თებს ნივ­თე­ბი მო­ე­წო­ნათ. (გააგრძელეთ კითხვა)