ალა პუგაჩოვას რუსულ სასამართლოში უჩივიან
რუსული მედიის მიერ გავრცელებული ინფორმაციით, ალა პუგაჩოვას კომპანია "გაზპრომ მეჟრეგიონგაზმა" მოსკოვის გარეუბანში მდებარე აგარაკზე არსებული დავალიანების გამო სასამართლოში უჩივლა. საქმე შეეხება 15 000 რუბლის გადასახადს, რაც დაახლოებით 150 დოლარია.
ეს არ არის პირველი შემთხვევა, როდესაც უცხოეთში მცხოვრებ მომღერალს სასამართლოში უჩივიან: მიმდინარე წლის მაისში მის წინააღმდეგ სოლნეჩნოგორსკის ადმინისტრაციის ქონების მართვის კომიტეტის წარმომადგენლებმა საქმე აღძრეს. სარჩელის თანახმად, მომღერალს 44,5 ათასი რუბლი ემართა სოფელ ბერეჟკში მიწის ნაკვეთის დაქირავებისთვის. 74 წლის პუგაჩოვა აღნიშნულ სარჩელებზე კომენტარს არ აკეთებს.
რუსეთის დატოვების შემდეგ, მომღერალი სამშობლოში მაისში ჩავიდა მისი ახლო მეგობრის, დიზაინერ ვალენტინ იუდაშკინის დაკრძალვაზე.
პუგაჩოვას მეგობრები ამტკიცებენ, რომ ისრაელში გადაბარგებულ პრიმადონას რუსეთი ენატრება და ადრე თუ გვიან აუცილებლად დაბრუნდება. მომღერლის ახლო მეგობარმა სტილისტმა ჯორჯ როვალსმა მედიასთან განაცხადა, რომ მოვა დრო როცა შესაძლოა სოლო კონცერტიც კი გამართოს.
"ის აუცილებლად დაბრუნდება, მას სამშობლო არ გაუყიდია. დაბრუნდება და საკადრის პასუხს გასცემს მათ, ვინც ამას იმსახურებს"
პუგაჩოვას ქმარმა მაქსიმ გალკინი რამდენიმე დღით ადრე განაცხადა, რომ მისი კონცერტები ყაზახეთში გაუქმდა და ეს "სახელმწიფო დონეზე" გადაწყდა. მანამდე ესტონეთშიც გაუქმდა არტისტის სპექტაკლი, რომელიც საჯაროდ აკრიტიკებს უკრაინაში მიმდინარე ომს.