უკრაინაში, პატრულის მიერ მოკლული ჯუმბერ სილაგავას მეგობარი ქალის წინააღმდეგ საქმე აღიძრა - ვინ არის 23 წლის ტატიანა და რას წერს მასზე უკრაინული მედია?
უკრაინული მედია კვლავ აქტიურად წერს 29 აგვისტოს დნეპრში მომხდარ სისხლიან ინციდენტზე, რომლის დროსაც პოლიციელის გასროლას 38 წლის ჯუმბერ სილაგავა ემსხვერპლა.
შემთხვევის ადგილზე იმყოფებოდნენ სილაგავას პარტნიორი ქალი და ორი არასრულწლოვანი შვილი. სოციალურ ქსელში ვრცელდება შემთხვევის ამსახველი რამდენიმე ვიდეოჩანაწერი, მათ შორის საპატრულო პოლიციელის სამხრესთან დამაგრებული კამერითა და მანქანაში მყოფი ბავშვის ტელეფონით გადაღებული.
ერთ-ერთი ვერსიით, მანქანას, რომელმაც საგზაო წესები დაარღვია, მართავდა ნასვამი ჯუმბერ სილაგავა, სწორედ ამიტომ არ დაემორჩილა პატრულის მოთხოვნას, ხოლო დევნისას, ვიდრე პატრული მათ გაჩერებას შეძლებდა, ადგილი გაუცვალა გვერდით მჯდომ ქალს. კონფლიქტი სამართალდამცავებთან სწორედ ამ თემაზე დაიწყო.
პოლიციას წყვილმა უარი უთხრა მანქანისა და მართვის მოწმობის საბუთების ჩვენებაზე, აგინეს და უხეშად ესაუბრნენ. მას შემდეგ რაც პატრულის თანამშრომლებმა ქალი ძალის გამოყენებით გადმოიყვანეს მანქანიდან, შემთხვევა კონფლიქტში გადაიზარდა. სილაგავამ და მისმა თანამგზავრმა პოლიციელებს ფიზიკური წინააღმდეგობა გაუწიეს. ჩხუბის დროს ერთ-ერთმა პატრულმა მამაკაცს ესროლა, რომელსაც ორი ტყვია ზურგის არეში მოხვდა და ადგილზე გარდაიცვალა.
როგორც უკრაინული გამოცემა წერს, სილაგავას თანამგზავრი 23 წლის ტატიანა პატინკა პეტრიკოვკადან, დნეპროპეტროვსკის ოლქიდან გახლავთ. მედიაში მას გარდაცვლილის საყვარელ ქალად მოიხსენიებენ.
31 აგვისტოს ცნობილი გახდა, რომ დნეპრში საპატრულო პოლიციის თანამშრომლების სიცოცხლის ხელყოფის მცდელობის ფაქტზე ტატიანას წინააღმდეგ სისხლის სამართლის საქმე აღიძრა. ამ მუხლით (უკრაინის სისხლის სამართლის კოდექსის 348) დამნაშავეს 15 წლამდე ან უვადო თავისუფლების აღკვეთა ემუქრება.
უკრაინული მედია საქმის გარშემო არსებულ ახალ დეტალებს აქვეყნებს. (გააგრძელეთ კითხვა)