"ტოვებს პოსტს და ბრუნდება რუსეთში“ - ინალ არძინბამ ოკუპირებული აფხაზეთის ე.წ. საგარეო საქმეთა მინისტრის პოსტი დატოვა?
ტელეგრამ არხ D News Abkhazia-ს ცნობით, ოკუპირებული აფხაზეთის ე.წ. საგარეო საქმეთა მინისტრმა, ინალ არძინბამ გადადგომის შესახებ განცხადება დაწერა. ინფორმაციას ასევე ავრცელებენ სხვა აფხაზური წყაროებიც.
"ჩვენი წყაროების ცნობით, არძინბამ თანამშრომლებს უკვე განუცხადა, რომ ტოვებს მინისტრის პოსტს და ბრუნდება რუსეთში“, - ნათქვამია D News Abkhazia-ს მიერ გამოქვეყნებულ ინფორმაციაში.
აღსანიშნავია, რომ მანამდე ტელეგრამ არხმა Легитимный გაავრცელა ინფორმაცია, რომ ინალ არძინბა მოსკოვში ბრუნდება, რათა მონაწილეობა მიიღოს "კოლექტიური დასავლეთის იდეოლოგიური პროპაგანდის წინააღმდეგ ბრძოლაში“.
არძინბას გადადგომის შესახებ ცნობა ჯერჯერობით ოფიციალურად დადასტურებული არ არის.