"და ვინც მიშას გზას გაყვება, დაამთავრებს როგორც მიშა" - რას წერს თამარ ჩერგოლეიშვილი მიხეილ სააკაშვილის განცხადებაზე?
"და ვინც მიშას გზას გაყვება, დაამთავრებს როგორც მიშა.თქვენი გემოვნების საკითხია, მეგობრებო.(განულებაზე მე კომენტარს არ გავაკეთებ, არ მინდა ნულს ნიშანი მოვუგო)," - ასე გამოეხმაურა თამარ ჩერგოლეიშვილი მიხეილ სააკაშვილის განცხადებას, რომელიც გიგა ბოკერიას შეეხებოდა.
ყოფილი პრეზიდენტი მიხეილ სააკაშვილი „ნაციონალური მოძრობის“ წევრებს მიმართა და მოუწოდა, რომ ამ ეტაპზე მთავარი და ერთადერთი სამიზნე რუსული რეჟიმია.
“მინდა მივმართო “ერთიანი ნაციონალური მოძრაობის” წევრებს, ჩვენს გმირულ აქტივს! ჩემო ძვირფასებო, ძალიან მომენატრა თქვენთან პირადი კონტაქტი, მაგრამ მინდა იცოდეთ, რომ მე ზღვა გადმოლახული მაქვს, თქვენ შორის ვიმყოფები და თქვენთან ერთად ვიბრძვი საქართველოს გადასარჩენად. ამისთვის გავუძელი ყველაფერს აქამდე. ამ გზაზე ჩვენ ყველა პატრიოტთან უნდა გავაერთიანოთ სათითაოდ ჩვენი ძალები, მაგრამ იმისთვის, რომ სხვებთან გვქონდეს მისასვლელი პირი, თვითონ პარტიამ უნდა შეინარჩუნოს ერთიანობა და სიმტკიცე. ამავე დროს, მივესალმები დებატებსაც და მუდმივ შიდა განახლებასაც.
ამ ყველაფერს არაფერი აქვს საერთო ბოკერიას გზასთან. ვინც დაადგება ბოკერიას გზას, განულდება და დაამთავრებს, როგორც ბოკერია. სამიზნე უნდა გავასწოროთ ყველამ, ჩვენი მთავარი და ამ ეტაპზე ერთადერთი სამიზნე რუსული რეჟიმია!“ - წერს მიხეილ სააკაშვილი.