"არც ერთი არ ვიმსახურებდით ჩვენი ნაკრების მაისურით თამაშს. რა აზრი აქვს ბოდიშს?" - პირველი კომენტარები ესპანეთის ნაკრებთან ისტორიული მარცხის შემდეგ - კვირის პალიტრა

ეკა გადახაბაძე

ევ­რო­პის ჩემ­პი­ო­ნა­ტის საკ­ვა­ლი­ფი­კა­ციო ეტაპ­ზე სა­ქარ­თვე­ლოს ნაკ­რებ­მა ეს­პა­ნეთს უმას­პინ­ძლა და გა­მა­ნად­გუ­რე­ბე­ლი ან­გა­რი­შით 1:7 და­მარ­ცხდა.

პირ­ვე­ლი ტა­ი­მი სა­ქარ­თვე­ლოს ნაკ­რებ­მა ან­გა­რი­შით 0:4 დათ­მო. მა­მარ­დაშ­ვი­ლის კარ­ში პირ­ვე­ლი გოლი 22 - ე წუთ­ზე ალ­ვა­რო მო­რა­ტამ გა­ი­ტა­ნა, 27-ე წუთ­ზე ავ­ტო­გო­ლი კვირ­კვე­ლი­ამ მი­ით­ვა­ლა, 38 წუთ­ზე ქარ­თვე­ლე­ბის კარი დანი ოლ­მომ და­ლაშ­ქრა, მე-40 წუთ­ზე კი ისევ - მო­რა­ტამ.

სა­ბო­ლო­ოდ გა­მა­ნად­გუ­რე­ბე­ლი ან­გა­რი­შით დავ­მარ­ცხდით.

სა­ბო­ლოო ან­გა­რი­ში 1:7 და­ფიქ­სირ­და. რო­გორც ირ­კვე­ვა, ასე­თი დიდი ან­გა­რი­შით სა­ქარ­თვე­ლოს ნაკ­რე­ბი ის­ტო­რი­ის გან­მავ­ლო­ბა­ში არ და­მარ­ცხე­ბუ­ლა.

მატ­ჩის შემ­დეგ კო­მენ­ტა­რი გუნ­დის კა­პი­ტან­მა გურამ კაშიამ გა­ა­კე­თა:

"ძა­ლი­ან ვწუხ­ვარ გულ­შე­მატ­კივ­რის წი­ნა­შე, რომ ასე­თი დიდი შე­დე­გით წა­ვა­გეთ. ჩემ­თვის ერთ-ერთი ყვე­ლა­ზე სუს­ტი პერ­ფორ­მან­სი იყო, რაც მი­თა­მა­შია ეროვ­ნულ ნაკ­რებ­ში. რა თქმა უნდა ეს­პა­ნე­თის ნაკ­რებ­თან შე­იძ­ლე­ბა წა­ა­გო, მაგ­რამ ასე­თი დიდი სხვა­ო­ბა არ მგო­ნია, რომ უნდა ყო­ფი­ლი­ყო. ხა­სი­ა­თი ვერ გა­მო­ვავ­ლი­ნეთ და შემ­დეგ თა­მაშ­ში მინ­და ვნა­ხო ის ფეხ­ბ­ბურ­თე­ლე­ბი, ვინც ითა­მა­შე­ბენ ისე, რომ უფრო მეტი ხა­სი­ა­თი გა­მო­ავ­ლი­ნონ. არც ერთი არ ვიმ­სა­ხუ­რებ­დით ჩვე­ნი ნაკ­რე­ბის მა­ი­სუ­რით თა­მაშს. რა აზრი აქვს ბო­დიშს? გული მწყდე­ბა რომ ასე­თი ცუდი თა­მა­ში ვაჩ­ვე­ნეთ", - აღნიშნა გურამ კაშიამ.

ვილი სანიოლმა პრესკონფერენციაზე ბოდიში მოიხადა:

"უპირველესად, დარწმუნებული ვარ, იცით, რომ თქვენს კითხვებს ყოველთვის ვპასუხობ. მაგრამ დღეს ისეთი კატასტროფული ანგარიშით წავაგეთ, 300 კითხვაზე პასუხიც არ იქნება საკმარისი...

პირველ რიგში, ბოდიში ჩვენს შესანიშნავ გულშემატკივარს, რომელიც ცუდი თამაშის მიუხედავად, ბოლომდე მხარს გვიჭერდა, დღეს ქებას მხოლოდ ისინი იმსახურებდნენ...

შეიძლება ითქვას, დღეს არაფერი გამოგვივიდა, არც ბურთით, არც უბურთოდ, არც ტექნიკაში, არც კონტრშეტევაზე... თამაში ყველა დონეზე ჩავაგდეთ. უახლოეს პერიოდში დაველაპარაკები მოთამაშეებს, გავარჩევთ, რაც დღეს მოხდა. ვიმეორებ - კატასტროფული თამაში იყო, ეს ეხება როგორც მოთამაშებს და მეხება მეც...

ჩვენ პატიოსნად უნდა დავილაპარაკოთ ერთმანეთთან და უნდა შევთანხმდეთ, რა დონეზე ვართ ახლა და რა დონეზე უნდა ვიყოთ მომავალ წელს ერთა ლიგის ფლეი-ოფისთის, იმაზეც, თუ რა მოლოდინები გამაჩნია ნორვეგიასთან მატჩისთვის...

ცუდი და კარგი თამაში ფეხბურთის ნაწილია. მაგრამ ასეთი ჩავარდნა დაუშვებელია, დღეს ჩავთვალე, რომ გასახდელში ლაპარაკს აზრი არ ჰქონდა... ბოდიში, რომ დღეს ვერ გიპასუხებთ კითხვებზე, სალაპარაკო კი ბევრია... კიდევ ერთხელ გიხდით ბოდიშს! ყველა ერთად ვიმუშავებთ, რომ შემდეგ მატჩში სასურველ შედეგს მივაღწიოთ".