"10-ჯერ რომ ავხსნა, აზრი არ აქვს, ოპოზიცია იმავეს გაიმეორებს, რომ „სამუშაოები შეწყდა“, „გომელაური დასაჭერია“, გული მწყდება - თუ შეცდომა დავუშვით, გვითხარით და შეიძლება შეცდომაზე ვისწავლოთ, მაგრამ მიუღებელია ლანძღვა, რაც იყო"
საქართველოს შინაგან საქმეთა მინისტრის ვახტანგ გომელაურის განცხადებით, შოვში, სტიქიის ზონაში საგანგებო სიტუაციების შტაბს თემურ მღებრიშვილი ხელმძღვანელობდა.
როგორც მან პარლამენტის პლენარულ სხდომაზე ინტერპელაციის წესით დასვკნითი სიტყვის დროს გაანცხადა, შემთხვევის დროს საქართველოში არ იმყოფებოდა, მაგრამ მუდმივად კონტაქტზე იყო.
„ხაზს ვუსვამ, საგანგებო სიტუაციების შტაბს ონშიც და ზემოთ შოვში, სტიქიის ეპიცენტრში მთელი ამ დღეების მანძილზე ბატონი თემურ მღებრიშვილი ხელმძღვანელობდა და მისი მოადგილეები სხვადასხვა მიმართულებებით. საქართველოში არ ვიყავი, თუმცა, სულ კონტაქტზე ვიყავი “, - განაცხადა გომელაურმა.
მან ასევე განმარტა, რომ სტიქიის ზონაში სამუშაოები არ შეჩერებულა.
„5-ჯერ ავხსენით, მართლა გული მწყდება, არ მაინტერესებს ვინ, რა თქვა. მთელი ღამე იმუშავეს მაშველებმა. სირცხვილია, იმ მაშველების მაინც არ გრცხვენიათ, ვინც ამას ამბობს, რომ 22:00 საათზე მაშველებმა დაისვენეს და თურმე დილით გაუგრძელებიათ. როცა დაღამდა, ვერტმფრენი გაჩერდა, აღარ მუშაობდა და დილის 06:00 საათიდან ჩაერთო, ისევ გამოიყვანეს ჩვენი მოსახლეობა. მაშველები მთელი ღამე მუშაობდნენ“, - განმარტა გომელაურმა.
მისი თქმით, სამწუხაროა, რომ ამდენი ახსნის მიუხედავად, ოპოზიცია მაინც იმავეს იმეორებს.
„10-ჯერ რომ მოვიდე და 10-ჯერ ავხსნა, აქაც და პრესასთანაც, მაინც აზრი არ აქვს მგონი. ის ადამიანები ისევ იმავეს გაიმეორებენ. დარწმუნებული ვარ, ახლა რომ წავალ, კიდევ პრესასთან დადგებიან და იტყვიან, რომ „სამუშაოები შეწყდა, „გომელაური დასაჭერია“, ისევ იგივე ტყუილებს იტყვიან. ეს ძალიან სამწუხაროა და გული მწყდება. პარლამენტია და უფრო მეტი კითხვა შეიძლებოდა დასმულიყო, შეიძლება რაღაც უკეთესად გაკეთდეს, შეცდომაზე ვისწავლოთ, თუ შეცდომაზე დავუშვით. გვითხრათ, რომ რაღაც შეგეშალათ. ჩვენ გვგონია, რომ არ შეგვეშალა. შეიძლება მართლა შეგვეშალა, კი ბატონო, ვიმსჯელოთ და არა ის ლანძღვა, რაც იყო“,- განაცხადა გომელაურმა.
როგორც მან აღნიშნა, დაკარგულების რაოდენობის გამო, სამოქმედო გეგმა მუდმივად იცვლებოდა.
ვახტანგ გომელაურის თქმით, გარდაცვლილთა ცხედრები სტიქიის დროს სხვადასხვა სიღრმეში იქნა აღმოჩენილი.
„6 მეტრშიც იყო ნანახი, 2 და 3 მეტრშიც“,-განაცხადა გომელაურმა.
10-ჯერ რომ მოვიდე და 10-ჯერ ავხსნა, აქაც და პრესასთანაც, მაინც აზრი არ აქვს მგონი. ის ადამიანები ისევ იმავეს გაიმეორებენ. დარწმუნებული ვარ, ახლა რომ წავალ, კიდევ პრესასთან დადგებიან და იტყვიან, რომ სამუშაოები შეწყდა, გომელაური დასაჭერია, ისევ იგივე ტყუილებს იტყვიან. ეს ძალიან სამწუხაროა და გული მწყდება. პარლამენტია და უფრო მეტი კითხვა შეიძლებოდა დასმულიყო, შეიძლება რაღაც უკეთესად გაკეთდეს, შეცდომაზე ვისწავლოთ, თუ შეცდომაზე დავუშვით. გვითხრათ, რომ რაღაც შეგეშალათ. ჩვენ გვგონია, რომ არ შეგვეშალა. შეიძლება მართლა შეგვეშალა, კი ბატონო, ვიმსჯელოთ და არა ის ლანძღვა, რაც იყო".
შინაგან საქმეთა მინისტრის ვახტანგ გომელაურის განცხადებით, ბოლო 10 წლის განმავლობაში 86 ახალი სახანძრო მანქანაა შეძენილი.
როგორც მან პარლამენტის პლენარულ სხდომაზე დასკვნითი სიტყვით გამოსვლისას აღნიშნა, 10-ზე უკვე შეკვეთა გაკეთებულია და იმედია, მალე ჩამოვა.
„გურიაში თურმე რომელიღაც სოფელში ერთი სახანძრო მანქანაა, რომელიც საერთოდ არ იყო, იქნებ მოიკითხოთ, 2012 წლამდე საერთოდ არსებობდა გურიაში? თვითონ ცენტრში, ერთი ჩოხატაურში იყო თუ არ ვცდები, ერთი მანქანა ჰყავდა მთელ გურიას. 86 ახალი სახანძრო მანქანა ვიყიდეთ ამ 10 წლის განმავლობაში. კიდევ ბევრია საყიდელი, ეს 86 მანქანა არანაირად არ უშველის და ათეულობით მანქანაზეა უკვე მოლაპარაკებები. 10-ზე უკვე შეკვეთაა მიცემული და იმედია, მალე ჩამოვა. კიდევ გვინდა დავამატოთ. ეს ძალიან მნიშვნელოვანია, მითუმეტეს ბოლო დროს მსოფლიოში ხანძრების რაოდენობის გამო, შარშანაც გვახსოვს საქართველოშიც“, - განაცხადა გომელაურმა.
IPN