მსახიობი ნატა ბერეჟიანი 18-წლიანი შუალედის შემდეგ მეორე შვილს ელოდება
მსახიობი ნატა ბერეჟიანი 18-წლიანი შუალედის შემდეგ მეორე შვილს ელოდება. პირველად დედა 22 წლის ასაკში გახდა, ბიჭი შეეძინა, რომელსაც დათუნა დაარქვა. ახლა დათუნა 18 წლისაა და გამორჩეული გარეგნობით ყოველთვის ყურადღებას იპყრობს.
ნატა ამ პერიოდში მუდმივად დაკავებული იყო საკუთარი საქმით, თამაშობდა სხვადასხვა როლს თეატრში, სერიალებსა თუ კინოში. რეჟისორ დათო დოიაშვილთან მეფე ლირზე მუშაობისას შეიტყო, რომ მეორე შვილზეა ორსულად, თუმცა ამას ხელი არ შეუშლია რომ წარმატებით ეთამაშა პრემიერა და სპექტაკლში დღემდე აქტიურად არის ჩართული.