დავით სერგეენკო ითხოვს, რომ დეპუტატის მანდატი შეუწყვიტონ
პარლამენტის ვიცე-სპიკერმა, „ქართული ოცნების“ დეპუტატმა, დავით სერგეენკომ პარლამენტს სადეპუტატო უფლებამოსილების ვადამდე შეწყვეტის თაობაზე განცხადებით მიმართა.
დავით სერგეენკოს განცხადება საპროცედურო საკითხთა და წესების კომიტეტში და მას კომიტეტი 16 ნოემბერს განიხილავს. საკითხი პლენარულ სხდომაზე, სავარაუდოდ, მიმდინარე კვირას გავა.
ცნობისთვის, სერგეენკოსთვის სადეპუტატო უფლებამოსილების შეწყვეტაზე პარლამენტმა რამდენიმე თვის წინაც იმსჯელა, რასაც საფუძვლად სერგეენკოს მიერ სხდომების არასაპატიო მიზეზით გაცდენა გახდა, თუმცა უმრავლესობამ პარლამენტის შესაბამისი დადგენილება "ჩააგდო" და სერგეენკოს მანდატი შეუნარჩუნა.
"ინტერპრესნიუსი"