"ბევრი გისაყვედურე, უბრძოლველად რატომ წახვედი და დამტოვე" - ნიკა ქაცარიძის გარდაცვალებიდან 2 წელი გავიდა, რას წერს მსახიობის მეუღლე?
5 იანვარს, მსახიობ ნიკა ქაცარიძის გარდაცვალებიდან ორი წელი გავიდა. მისი გარდაცვალების მიზეზი გულის შეტევა გახლდათ. 43 წლის ნიკას, მეუღლე და ორი მცირეწლოვანი შვილი დარჩა. მსახიობის მეუღლე ნინო ბერიძე სოციალურ ქსელში პოსტს აქვეყნებს:
"ასე შევხვდით ორი წლის შემდეგ პირველ იანვარს, მე აქ შენ იქ...
ბევრი გისაყვედურე, უბრძოლველად რატომ წახვედი და დამტოვე თქო. ისევ უხმოდ, გულში ჩავიკალი ჩემი ტკივილი, ზეცას ავხედე, ვიცოდი, რომ იქვე ახლოს იყავი ჩემთან და ჩემი ფიქრები გესმოდა. შვილების მფარველობა და მათი ჯანმრთელობა გთხოვე.
ახლა კი ისევ 5 იანვარი თენდება, ტკივილით სავსე დღე, ნეტა ეს დღე არ ყოფილიყო. მომენატრე" - წერს ნინო ბერიძე.
მსახიობი ნიკა ქაცარიძე 5 იანვრის დილას, 43 წლის ასაკში, გულის შეტევით გარდაიცვალა. იგი 2005 წლიდან მუშაობდა რუსთაველის თეატრში, სადაც ბევრი საინტერესო სახე განასახიერა და თავისი როლებით, მაყურებელს სატელევიზიო სერიალებიდანაც დაამახსოვრა თავი...