"მეც მაქვს ბედნიერების უფლება... ადრე ვამბობდი სად მცალია, ორი შვილის დედა ვარ-მეთქი, ახლა ვხვდები, რომ..." - ელენე ფოჩხუა დედობასა და პირადზე
მომღერალმა ელენე ფოჩხუამ წარსულს ჩააბარა ის დღეები, როცა ბევრ რამეზე ღელავდა. ახლა მისთვის მთავარი მხოლოდ ერთ რამ არის - გარშემო ყველას ჯანმრთელობა ჰქონდეს. არც ოცნებებით იტანჯავს თავს. ძალიან უნდა, დიდი სახლი ჰქონდეს მაგრამ სასურველ სტუმრებს პატარა სახლშიც მშვენივრად უმასპინძლდება.
ტრაგედია არც ქმართან გაყრის გამო შეუქმნია. შვილებზე პასუხისმგებლობა საკუთარ თავს დააკისრა, ცხოვრებამ ისიც ასწავლა, რომ არასოდეს უნდა თქვა სიტყვა არასოდეს. "სარკესთან" ამბობს, რომ თუკი თავის მეორე ნახევარს შეხვდება პირადზე უარს არ იტყვის და ბედნიერებისთვის იბრძოლებს:
- ელენე, ორ შვილს ზრდით მარტო, ქალისთვის ადვილი არაა ოჯახის ფინანსურად უზრუნველყოფა. როგორ ახერხებთ?
- როცა ოჯახი მქონდა მაშინაც დიდწილად ჩემზე იყო ეს პასუხისმგებლობა. არ მინდა უხერხულად გამომივიდეს, მაგრამ მეუღლეზე მეტი შემოსავალი მქონდა. ამას ნიშნისმოგებით არ ვამბობ. ხან ასე ხდება ხან ისე. ასე რომ ამ გარემოებას შეჩვეული ვიყავი და არ შემშინებია როცა მივხვდი, რომ მარტოს უნდა მიმხედა შვილებისთვის. ყველა ქალს შეუძლია დამოუკიდებლად გაიტანოს თავი. ბოლოს და ბოლოს სახლს დაულაგებს ვინმეს და შვილებს საჭმელს მოუტანს.
ქალები ძალიან ძლიერები ვართ, ქალი რასაც გაუმკლავდება ფინანსური გაჭირვების დროს, კაცი იმდენს ვერ შეძლებს. არ არის მარტივი გადასახადები ბავშვების სწავლა და ათასი წვრილმანი. გარდა ამისა პასუხისმგებლობაა დიდი. ჩემი გოგო გარდატეხის ასაკშია და თავისებური მიდგომა ჭირდება. ბიჭი პირველ კლასშია და მას სხვაგვარი ყურადღება უნდა.
სასწაულად მკაცრი დედა ვარ. მეგობრები მეტყვიან ხოლმე, კარგი რა შენც ხომ იყავი მათ ასაკშიო. თუ მეგობრები მიდიან კინოში და მერე სადმე უნდა დასხდნენ კი ვუშვებ, მაგრამ ერთხელ საღამოს 10 საათი იყო და სკვერში გვინდა გასვლაო და უკვე დავუშალე. გიჟი დედა ვარ. ბავშვების მამა უცხოეთში ცხოვრობს, შესაბამისად მხოლოდ მე ვარ შვილების მფარველიც და პასუხისმგებელიც. გააგრძელეთ კითხვა