როგორ უნდა დავაღწიოთ თავი ბანკების "შავ სიას"?!
2023 წელს ვადაგადაცილებული სესხების რაოდენობა 7%-ით შემცირდა - ამის შესახებ „ბიზნესპრესნიუსს“ „კრედიტინფოს“ ბიზნესის განვითარების ხელმძღვანელმა ლაშა ბაღათურიამ განუცხადა.
„ე.წ. შავი სია, რომელიც საზოგადოებაში ყველაზე ცნობილია, არ არსებობს, მაგრამ არსებობს საკრედიტო ჩანაწერი და როდესაც ვადაგადაცილებული სესხი ფიქსირდება, თუნდაც ერთი დღის, იგი ავტომატურად ეგზავნება კრედიტინფოს და ბაზაში ისახება“, - განაცხადა ლაშა ბაღათურიამ.
ლაშა ბაღათურია ასევე განმარტავს, თუ რის შემდეგ ხდება ვადაგასული სესხების ბაზიდან ინფორმაციის წაშლა: „ეს ჩანაწერი მანამ რჩება, სანამ მსესხებელი არ დაფარავს ვადაგადაცილებას. ბაზიდან ვადაგადაცილების შესახებ ინფორმაცია მხოლოდ მაშინ იშლება, რაც მსესხებელი სესხს სრულად დაფარავს და დაფარვიდან 5 წელი გავა.“