ბაღდათში მაშველებმა ახალგაზრდა გოგოს და კიდევ ორი ქალის ცხედარი იპოვეს - "როგორც ვიცით, დედა-შვილი არიან..."
არსებული ინფორმაციით, ბაღდათის მუნიციპალიტეტის სოფელ ნერგეთში სტიქიის ადგილზე გარდაცვლილთა შორის, რომელთა ცხედრები დილას მაშველებმა ნანგრევებიდან ამოიყვანეს, დედა-შვილი არიან. ამის შესახებ ადგილობრივებმა AMBEBI.GE-ს განუცხადეს.
"როგორც ვიცით ნაპოვნია ახალგაზრდა გოგონა დედასთან ერთად და კიდევ ერთი მოხუცი ქალბატონი' - ამბობენ ადგილობრივები.
ამ დროისთვის ეძებენ კიდე 6 ადამიანს, მათ შორის სამი არასრულწლოვანია. ადგილობრივის ინფორმაციით, ერთ-ერთ სახლში მამა და სამი შვილია მოყოლილი.
"ერთი სახლი მიწასთან გასწორებულია, მოყოლილები არიან მამა და სამი შვილი და მეორე სახლში სამი ადამიანია მოყოლილი - ჩემი მაზლიშვილი, რძალი და დედამთილი. ამბობენ, რომ სამივე გარდაცვლილია" - ამბობს ადგილობრივი "მთავარ არხთან" საუბრისას.
"წვიმების დროს სულ ასეთი პრობლემა იყო, სახლები საფრთხის ქვეშ იყო. ასეთ დროს მივდიოდი ხოლმე და სახლს ვტოვებდი. ეს პრობლემა, წლებია არსებობს" - ამბობს კიდევ ერთი ადგილობრივი.