"მე განა მეწყერსა ვჩივი, ხალხსა ვტირი დამარხულსა" - რა ლექსი მიუძღვნა ბესიკ ხარანაული ბაღდათში მომხდარ ტრაგედიას?
უმძიმესია ბაღდათის სოფელ ნერგეეთში დატრიალებული ტრაგედიის შედეგები. დაღუპულთა რიცხვი 8-მდე გაიზარდა. ტრაგედიის ადგილას ამ დრომდე მუშაობენ მეხანძრე-მაშველები. მწერალმა და პოეტმა ბესიკ ხარანაულმა გუშინ მომხდარ ტრაგედიას ლექსი მიუძღვნა:
"გლოვა"
მე განა მეწყერსა ვჩივი,
ხალხსა ვტირი დამარხულსა,
ქარს და ავდარს კი არ ვჩივი,
ხალხსა ვტირი დაკარგულსა,
ზამთარი რომ დამთავრდება,
რით წარვუდგე გაზაფხულსა,
ყვავილი ვის მოვუწყვიტო,
არვინ ჩაიკონებს გულსა.