ოზურგეთში, 40 წლამდე მამაკაცი ცეცხლსასროლი იარაღიდან გასროლით დაჭრეს
ოზურგეთში, 40 წლამდე მამაკაცი ცეცხლსასროლი იარაღიდან გასროლით დაჭრეს. იგი კლინიკა „მედალფაშია" გადაყვანილი, სადაც ოპერაცია უტარდება.
შემთხვევის მიზეზი ჯერჯერობით უცნობია. ერთ-ერთი ვერსიით, ადგილი ჰქონდა ე.წ. ქურდულ გარჩევას.
შსს-ს ინფორმაციით, მომხდარზე გამოძიება 117-ე და 236-ე მუხლებით მიმდინარეობს, რაც დაჭრას და იარაღის უკანონოდ შეძენა-შენახვა-ტარებას გულისხმობს.