შემზარავი ავარია ლიმპოპოში - დაღუპულია 45 მომლოცველი, ერთადერთი გადარჩენილი 8 წლის ბავშვია
სამხრეთ აფრიკის ჩრდილოეთ პროვინციაში, ლიმპოპოში ავტოსაგზაო შემთხვევის შედეგად 45 ადამიანი დაიღუპა და ერთი მძიმედ დაშავდა, - ამის შესახებ ინფორმაციას მედიასაშუალებები სამხრეთ აფრიკის ტრანსპორტის დეპარტამენტზე დაყრდნობით ავრცელებენ.
უწყების განცხადებაში ნათქვამია, რომ მძღოლმა საჭე ვერ დაიმორჩილა, ავტობუსი ხიდიდან ხევში გადავარდა და ცეცხლი გაუჩნდა.
ავტოსაგზაო შემთხვევის ერთადერთი გადარჩენილი მგზავრი 8 წლის ბავშვია, რომელიც საავადმყოფოშია გადაყვანილი.
მგზავრები მომლოცველები იყვნენ, რომლებიც ბოტსვანას დედაქალაქ გაბორონედან ქალაქ მორიაში, წმინდა ენგენას ეკლესიაში სააღდგომო წირვაზე დასასწრებად მიემგზავრებოდნენ.
"ინტერპრესნიუსი"