სოცქსელში პოპულარული ირმა კვარაცხელიას რთული ცხოვრება - "არ ვთვლი, რომ ჩემი ლექსები შედევრია... სამი თვეა, დედა დამეღუპა და 24 საათი მის სამსახურში ვიყავი"
"გარეთ ცივი ამინდია, ოთახშია სამი თრია", "კბილი სტკივა ციყვუნას, ლამაზსა და ფუმფულას", "მგელმა შეჭამა ციკანი, თავი ჰგონია მართალი" – ეს ამონარიდებია ირმა კვარაცხელიას ლექსებიდან, რომელსაც ტიკ-ტოკზე სპეციალურად ბავშვებისთვის კითხულობს.
ამბობს, რომ მარტივი ცხოვრება არ ჰქონია, უნივერსიტეტის დასრულების შემდეგ, არსად არ უმუშავია, რადგან 18 წელი მწოლიარე დედას უვლიდა. არ აქვს პრეტენზია, რომ მისი ლექსები იდეალურია, თუმცა მაინც სწყინს იმ ადამიანების, ვინც თეთრი ლექსების გამო აკრიტიკებენ.
- წალენჯიხაში ვცხოვრობ, 50 წლის ვარ, არ მერიდება ჩემი ასაკის. 2002 წელს თბილისის სახელმწიფო უნივერსიტეტი დავამთავრე, მაგრამ მშობლების ავადმყოფობის გამო არ მიმუშავია. დიპლომატიისა და საერთაშორისო ურთიერთობების ფაკულტეტზე ვსწავლობდი, მაგისტრატურაც გავიარე. ვფლობ რუსულ და ინგლისურ ენებს, მაგრამ ჩემი სპეციალობით არასოდეს მიმუშავია. 2006 წელს დედა ავტობუსიდან ჩამოვარდა და მას შემდეგ მწოლიარე იყო. ეს წლები მას ვუვლიდი, 3 თვის წინ გარდაიცვალა, ერთი ძმა მყავს.
- ახლაც არ მუშაობთ არსად?
- არა, როგორც გითხარით დედა სამი თვეა გარდაიცვალა. ამდენი წელი მას ვუვლიდი, ძალიან რთული რეჟიმი მქონდა. ღამე უძილობა ჰქონდა და რთული მოსავლელი იყო, თუმცა დედა ახლაც რომ ცოცხალი იყოს, ისევ მოვუვლიდი.
- გვიან ჩააბარეთ უნივერსიტეტში?
- დიახ, პირველად ზუგდიდის დამოუკიდებელ უნივერსიტეტში ჩავაბარე, სამართალმცოდნეობაზე, მაგრამ სწავლა მეორე კურსიდან შევწყვიტე, რადგან ოჯახს ფინანსურად უჭირდა და ფასიან ფაკულტეტზე ვსწავლობდი. შემდეგ ჯავახიშვილში ჩავაბარე. თბილისში ყოფნისას ჩემს ნათესავებთან ვცხოვრობდი. იხილეთ სრულად