"ჩვენს საპროტესტო მოძრაობას ისტორიაში „აპრილის გამოღვიძება“ დაერქმევა"
ჩვენს საპროტესტო მოძრაობას - „აპრილის მოძრაობას“ ისტორიაში „აპრილის გამოღვიძება“ დაერქმევა, - ამის შესახებ რესპუბლიკის მოედანზე მიმდინარე აქციაზე გამოსვლისას პოეტმა რატი ამაღლობელმა განაცხადა.
„კი ევროპას, არა რუსეთს! ძალა ევროპაშია“ - სკანდირებენ აქციის მონაწილეებთან ერთად გამომსვლელები.
„ჩვენს საპროტესტო მოძრაობას - „აპრილის მოძრაობას“ ისტორიაში „აპრილის გამოღვიძება“ დაერქმევა, საქართველოს გაზაფხული და ჩვენ ვამბობთ - „კი ევროპას, არა რუსეთს! ძალა ევროპაშია!“ - განაცხადა რატი ამაღლობელმა.
აღსანიშნავია, რომ აქციის მონაწილეები პერიოდულად ერთად სკანდირებენ: "საქართველო".
ცნობისთვის, პირველი რესპუბლიკის მოედანზე აქცია “კი ევროპას, არა რუსულ კანონს“ მიმდინარეობს.
აქციაზე შეკრებილები „უცხოური გავლენის გამჭვირვალობის შესახებ“ კანონპროექტს ეწინააღმდეგებიან.
აქცია - „კი ევროპას, არა რუსულ კანონს“ საზოგადოებრივი ორგანიზაციების ორგანიზებით დაიგეგმა, რომელსაც პოლიტიკოსების ნაწილიც შეუერთდა.
ადგილზე შეკრებილებს მოტანილი აქვთ საქართველოს და ევროკავშირის დროშები.