"დავიწყეთ ამ "რუსული კანონის" შესწავლა - ქართული ვერსიის 7 და რუსულის 97 გვერდი გადავიკითხეთ" - ვინ არის ლუკა ნაცვლიშვილი?
გემახსოვრებათ, 2 წლის წინ ბათუმის მე-7 საჯარო სკოლაში მოსწავლემ რუსეთის და დე ფაქტო აფხაზეთის, როგორც "დამოუკიდებელი სახელმწიფოს“, დროშები რომ ჩამოხია. დროშები სკოლის სტენდზე, სხვა ქვეყნების ეროვნულ სიმბოლოებთან ერთად იყო გაკრული, რის შემდეგაც სკოლის ადმინისტრაციამ მოსწავლეს "სკოლის ინვენტარის დაზიანებისთვის“ საყვედური გამოუცხადა". როგორც გაირკვა, მოსწავლე, რომელმაც სკოლაში დროშების გამოფენა გააპროტესტა, მე-11 კლასელი ლუკა ნაცვლიშვილი იყო.
"იმ დღიდან 180 გრადუსით შეიცვალა ჩემი ცხოვრება, დღის წესრიგი, ყველაფერი შეიცვალა... პირველ რიგში, დიდი პასუხისმგებლობა ვიგრძენი. მანამდეც იყო ჩემში ეროვნული, პატრიოტული მუხტი და ჩემს მეგობარ ზვიად ცეცხლაძესთან ერთად პატარ-პატარა აქტივობებში ვიყავი ჩართული, ბათუმში უკრაინის მხარდამჭერ აქციებს ვატარებდით, თუმცა არ ველოდი, რომ დროშის ამბავი ასე გახმაურდებოდა და ხალხი ასე გამიცნობდა, ეს ჩემთვის უჩვეულო და ძალიან დამაბნეველიც იყო. საბედნიეროდ, ავიტაცე ეს ტემპი, ჩემი თავი განვავითარე, კიდევ უფრო გავიზარდე“, - მეუბნება ლუკა, რომელიც დღეს ახალგაზრდული ეროვნული მოძრაობა "დაფიონის“ ერთ-ერთი ლიდერია და ორ კვირაზე მეტია, რაც დედაქალაქის მთავარ გამზირზე "რუსულ კანონს“ აპროტესტებს და მის თანატოლებთან ერთად საქართველოს ევროპული მომავლისთვის იბრძვის.
ერთ-ერთ აქციაზე ლუკამ მერაბ კოსტავას ცნობილი სიტყვებით მიმართა საზოგადოებას. მისი თქმით, ეს მისი საყვარელი ფრაზაა: "დაიმახსოვრეთ, თქვენ მოესწრებით იმ დროს, როცა საქართველო თავისუფალი გახდება! მაგრამ იცოდეთ, თუ მაშინაც, დამოუკიდებელ ქვეყანაში, თავისუფლებისთვის შეწყვეტთ ბრძოლას, ამ თავისუფლებას დაკარგავთ თქვენც და ქვეყანაც". საინტერესოა, რომ ეს ფრაზა ბიძინა ივანიშვილმა "ქართული ოცნების" აქციაზე გაიმეორა, ოღონდ გაუგებარია ის შინაარსი, რასაც ის, სავარაუდოდ, მასში დებს. აი, ლუკას და მისი თანატოლების გულწრფელობა, სამშობლოს სიყვარული და ბრძოლის ჟინი ნამდვილად საიმედოა. ეს ის თაობაა, რომელიც მალე გადაიბარებს ამ ქვეყნის მართვას და აშკარად ჩანს, რომ მათ უკვე ამ ეტაპზე შეგვიძლია ვენდოთ... იხილეთ სრულად