სალომე ზურაბიშვილის ძმა აქტივისტებს დახმარებას სთავაზობს - "როცა გადარიცხვა შესაძლებელი გახდება, შეგვატყობინეთ და საფრანგეთიდან დაგეხმარებით"
პრეზიდენტ სალომე ზურაბიშვილის ძმა, ოთარ ზურაბიშვილი მზად არის, აქტივისტებს ფინანსურად დაეხმაროს. ამის შესახებ მან სოციალურ ქსელში ქსელში გავრცელებული განცხადების კომენტირებისას დაწერა. განცხადებაში საუბარია იმ აქტივისტების დახმარებაზე, ვინც აქციას რეგიონებიდან შეუერთდებიან და თბილისში დასარჩენი ადგილი არ ექნებათ.
"როდესაც გადარიცხვა შესაძლებელი გახდება, შეგვატყობინეთ და საფრანგეთიდან დაგეხმარებით" - წერს ოთარ ზურაბიშვილი.
სოციალურ ქსელში შექმნილ ჯგუფში, "დაიტოვე", უკვე უამრავი ადამიანია გაწევრიანებული. ისინი აქტივისტებს როგორც ბინით უზრუნველყოფას ასევე ფინანსურ დახმარებას სთავაზობენ. თანხების შეგროვებაში აქტიურად არიან ჩართული ქართველი ემიგრანტებიც. გააგრძელეთ კითხვა