"უდავოდ ნიჭიერი დიზაინერი ხარ. ამას ისიც ადასტურებს, შენი პიჯაკი რომ "მომიცმია..." - რას პასუხობს ნინო წილოსანი დიზაინერ გიორგი ქებურიას?
დიზაინერმა გიორგი ქებურიამ დეპუტატ ნინო წილოსანის ფოტოს გამოაქვეყნა, სადაც ჩანს, რომ წილოსანს მწვანე პიჯაკი აცვია:
"ჩემი პიჯაკი რომ მოგიცვამს, ქვეყნის მტერო! კი ულამაზესია, მაგრამ ელგებედეა ეგ პიჯაკი და რამე არ გადმოგედოს, ნინო" - წერს დიზაინერი.
ქებურიას პოსტს ნინო წილოსანმა სოციალურ ქსელში უპასუხა:
"ახლა ცოტა რომ განვიტვირთოთ, გიორგი ქებურია, უდავოდ ნიჭიერი დიზაინერი ხარ. ამას ისიც ადასტურებს, შენი პიჯაკი რომ "მომიცმია". შენი პირადი ცხოვრება საერთოდ არ არის ჩემი საქმე და არც არასდროს დავინტერესდები ამით. პიჯაკი კი ნამდვილად ლამაზია", - წერს წილოსანი.