რამდენი მოქალაქე და პოლიციელი დაშავდა 1-2 მაისის აქციებზე და როგორია მათი ჯანმრთელობის მდგომარეობა - რას ამბობენ ჯანდაცვის სამინისტროში
ჯანდაცვის სამინისტროს ინფორმაციით, 1-2 მაისს საკანონმდებლო ორგანოსთან მიმდინარე აქციიდან სხვადასხვა სამედიცინო დაწესებულებაში 15 დაშავებული გადაიყვანეს.
როგორც „ინტერპრესნიუსს“ ჯანდაცვის სამინისტროში განუცხადეს, მათ შორის არიან სამართალდამცველებიც.
„1-2 მაისს საგანგებო სიტუაციების კოორდინაციისა და გადაუდებელი დახმარების ბრიგადებმა განახორციელეს 15 პირის ჰოსპიტალიზაცია სხვადასხვა სამედიცინო დაწესებულებაში, მათ შორის არიან სამართალდამცველები. დაშავებულთა ნაწილმა დატოვა კლინიკა და გაეწერა“,- აღნიშნავენ ჯანდაცვის სამინისტროში.
"ინტერპრესნიუსი"