გუკა რჩეულიშვილი, სავარაუდოდ, პარლამენტთან დააკავეს - "დავინახე, როგორ შეათრიეს ბორკილებით და გაიყვანეს"
არსებული ინფორმაციით, პარლამენტთან მიმდინარე აქციისას დაკავებულებს შორის გუკა რჩეულიშვილიცაა. ინფორმაციას გუკას მეგობრები და აქტივისტები ავრცელებენ და ამბობენ, რომ თავად დაინახეს, როგორ გაიყვანეს რჩეულიშვილი ხელბორკილებით სამართალდამცველებმა/
"ახლა დავინახე კადრში: ვაჟიკო მარი და გუკა რჩეულიშვილი შეათრიეს და ბორკილებით გაიყვანეს" - წერენ ისინი.
"აბა დროზე გაიღვიძეთ" - წერდა რამდენიმე საათის წინ გუკა და საზოგადოებას აქციაზე წასვლისკენ მოუწოდებდა.
შინაგან საქმეთა სამინისტრომ პარლამენტთან მიმდინარე აქციის დროს 20 პირი დააკავა. უწყების ინფორმაციით, დაკავებულებს შორის არის ერთი რუსეთის და ამერიკის ორი მოქალაქე. "12 მაისს, პარლამენტის მიმდებარე ტერიტორიაზე 22:00 საათიდან დაწყებული აქციის პარალელურად რუსთაველის გამზირზე, პარლამენტის შენობის მიმდებარე ტერიტორიაზე, სამართალდამცველები საზოგადოებრივი წესრიგის დაცვის მიზნით არიან მობილიზებულები. აღსანიშნავია, რომ აქციის მონაწილეები განთავსდნენ პარლამენტის მიმდებარე ქუჩებზე, მათ შორის ზ. ჟვანიას, შ. ჩიტაძისა და ბ. ჭიჭინაძის ქუჩებზე არსებულ საკანონმდებლო ორგანოს შესასვლელებთან.