ოპოზიცია ტაქტიკას ცვლის? - რას აცხადებს პაატა მანჯგალაძე
ქართული კოშმარის“ მხრიდან რუსული კანონისთვის სამჯერ ხმის მიცემა ჩვენი ქვეყნის ეროვნული ინტერესების 30 ვერცხლად გაყიდვაა - უკვე ყველამ კარგად იცის, რაც არის „ქართული ოცნება-ქართული კოშმარი“. ახლა მთავარია, რა იქნება ჩვენი, ისტორიის სწორ, ნათელ მხარეს მყოფი ადამიანების რეაქცია და პასუხი, - ამის შესახებ “სტრატეგია აღმაშენებლის” გენერალურმა მდივანმა პაატა მანჯგალაძემ განაცხადა.
მანჯგალაძის თქმით, ხალხი ერთიანია და დროა, პოლიტიკურმა პარტიებმა და ლიდერებმა აჩვენონ ერთიანობა საქართველოსა და მისი ევროპული მომავლისთვის
“უკვე დიდი ხანია მოვიდა დრო “არა რუსულ კანონს” შეიცვალოს მოწოდებით “არა რუსულ რეჟიმს”! ხალხი ერთიანია, ახლა დროა პოლიტიკურმა პარტიებმა და ლიდერებმა აჩვენონ ერთიანობა საქართველოსთვის, მისი ევროპული მომავლისთვის.
ივანიშვილს აქვს მარტივი სტრატეგია - მას უნდა, რომ დაგვღალოს. პასუხი უნდა იყოს მარტივი, ჩვენ უნდა დავღალოთ და შევცვალოთ რეჟიმი, რათა ამ ხალხს აღარასდოს ჰქონდეს საქართველოსთვის ზიანის მიყენების არანაირი შანსი.
არ არსებობს ძალა, რომელიც საქართველოს ერთიანობას შეაჩერებს! საქართველო გაიმარჯვებს!” - განაცხადა პაატა მანჯგალაძემ.
"ინტერპრესნიუსი"