"ბიჭები უკვე შინ მოასვენეს" - ცნობილი ხდება სვანეთში მომხდარ ავარიაში დაღუპული ძმების ვინაობა
20 მაისს, დილით, ზუგდიდი-მესტიის დამაკავშირებელ გზაზე, სოფელ ეცერის ტერიტორიაზე მომხდარ ავტოსაგზაო შემთხვევას ორი ადამიანის სიცოცხლე შეეწირა. არსებული ინფორმაციით, ავტომობილი, რომელშიც ძმები ლერი და როლანდ პაკელიანები ისხდნენ, გზის სავალი ნაწილიდან გადავარდა. ძმები შემთხვევის ადგილზე დაიღუპნენ. რა გახდა ავტოავარიის მიზეზი, ეს გამოძიებით გაირკვევა. ჩვენი ინფორმაციით, ძმები პაკელიანები ეცერის მაცხოვრებლები არიან. ახლა სოფელი გლოვობს სიცოცხლით სავსე ბიჭებს.
"ლერი და როლანდი იყვნენ მანქანაში, ორივე ადგილზეა დაღუპული. ეს თავზარდამცემი ამბავი დღეს დილით მოხდა. ახლა მათ სახლში უამრავი ადამიანია შეკრებილი და ლამის არის გული გამისკდეს, ისე განვიცდი ამ ამბავს. ეს არ უნდა მომხდარიყო. ძნელია ასეთ დროს რაიმე სანუგეშო უთხრა მისი ოჯახის წევრებს. მის განადგურებულ მშობლებს, რომლებმაც ეს საშინელი ამბავი დაატყდათ თავს.
ძმები ეცერში ცხოვრობდნენ, დაოჯახებული არცერთი არ ყოფილა. ლერი უფროსია, 41 წლის იქნებოდა, ხოლო როლანდი 35 წლის იყო.