"მაგისტრატურაც დაამთავრა" - რას წერს სოციალურ ქსელში ზურაბ ჟვანიას მეუღლე?
ზურაბ ჟვანიას ვაჟმა, ბუსა ჟვანიამ მაგისტრატურა დაასრულა. შვილის წარმატების შესახებ სოციალურ ქსელში ნინო ჟვანია წერს:
ადრე "კვირის პალიტრასთან" ინტერვიუში ნინო ჟვანიამ თქვა, რომ ბუსა ჟვანიამ ციხეში ყოფნის პერიოდი განათლების მიღების თვალსაზრისით ნაყოფიერად გამოიყენა, მიიღო სტიპენდია, ჩაირიცხა უნივერსიტეტში და სწავლის პარალელურად, "ამაზონში" მუშაობს.
"კვირაში ერთხელ მიმქონდა ერთი 10 წიგნი - დაწყებული დოსტოევსკით და უელბეკით დამთავრებული - ყველაფერი წაიკითხა.
ამას გარდა, ემზადებოდა მათემატიკის გამოცდისთვის. მათემატიკის საერთაშორისო გამოცდაში ისეთი მაღალი ქულა მიიღო, მსოფლიო მაჩვენებლით ტოპ-2%-ში შევიდა და ძალიან კარგ უნივერსიტეტში მიიღო სტიპენდია".
ცნობისთვის, თბილისში ბიზნესმენ გოგი თოფაძის შვილიშვილი ლევან თოფაძე 2020 წლის 2 აგვისტოს დაჭრეს. აღნიშნულთან დაკავშირებით, სამართალდამცავებმა ყოფილი პრემიერ-მინისტრის, ზურაბ ჟვანიას შვილი, ბუსა ჟვანია დააკავეს. გამოძიების ინფორმაციით, 2 აგვისტოს, გამთენიისას, ჭავჭავაძის გამზირზე მდებარე ლევან თოფაძის საცხოვრებელი სახლის აივანზე, ბუსა ჟვანიამ ლევან თოფაძეს განზრახ მოკვლის მიზნით დანის რამდენჯერმე დარტყმით, სიცოცხლისათვის საშიში დაზიანებები მიაყენა, მათ შორის შემავალი ჭრილობები სახით გულმკერდის წინა და უკანა ზედაპირზე. ასევე ნაკვეთი ჭრილობა კისრის გვერდითა ზედაპირზე და ყურის ნიჟარაზე. მსუბუქად დაჭრილი იყო თავად ჟვანიაც.
სასამართლომ მას 3-წლიანი პატიმრობა მიუსაჯა. სასამართლოს გადაწყვეტილებით, მისჯილი 3 წლიდან ბუსა ჟვანიამ პენიტენციურ დაწესებულებაში წელიწადნახევარი გაატარა, დანარჩენი კი პირობითად ჩაეთვალა.