"პრეზიდენტს შეუძლია ხელი არ მოაწეროს კანონს...ახლა რა იქნება?" - კონსტიტუციონალისტი ვახუშტი მენაბდე განმარტავს, რა პროცედურების გავლაა საჭირო კანონის ასამოქმედებლად - კვირის პალიტრა

პარლამენტმა “უცხოური გავლენის გამჭვირვალობის შესახებ“ კანონპროექტზე პრეზიდენტის ვეტო დაძლია. ფრაქცია “ქართული ოცნების“ მიერ წარდგენილ და სალომე ზურაბიშვილის მიერ ვეტოდადებულ პროექტს 84- ხმით დაუჭირეს მხარი.

კონსტიტუციონალისტი ვახუშტი მენაბდე განმარტავს, რა პროცედურების გავლაა საჭირო კანონის ასამოქმედებლად.

პარლამენტმა პრეზიდენტის ვეტო დაძლია. ახლა რა იქნება?

1. კანონი 3 დღის ვადაში გადაეგზავნება პრეზიდენტს ხელმოსაწერად და გამოსაქვეყნებლად;

2. პრეზიდენტს მასზე ვეტოს დადების უფლება აღარ აქვს;

3. პრეზიდენტს ხელმოსაწერად და გამოსაქვეყნებლად 5 დღე აქვს;

4. თუმცა პრეზიდენტს შეუძლია ხელი არ მოაწეროს კანონს;

5. ასეთ შემთხვევაში 5 დღეში კანონს ხელს აწერს და აქვეყნებს პარლამენტის თავმჯდომარე.ასე რომ მაქსიმუმ 10 ივნისს კანონი გამოქვეყნდება.