"საკანში აფურთხებენ, სცემენ, საჭმელს არ აჭმევენ... დამირეკეს სახალხო დამცველის აპარატიდან" - ნანუკა ჟორჟოლიანი ომბუდსმენს მიმართავს
ტელეწამყვანი ნანუკა ჟორჟოლიანი სახალხო დამცველს მიმართავს:
"Update
დამირეკეს სახალხო დამცველის აპარატიდან. მითხრეს რომ დღესვე ჩაერთვებიან.
გახსოვთ ალბათ ორი ბიჭის შესახებ ვწერდი. აქციების დროს დააკავეს, სახელმწიფოსთვის მიყენებული 400 ლარიანი ზიანის გამო, 6 წლიანი მუხლით წაუყენეს ბრალი.სახელებს და გვარებს არ ვწერ.ერთი 19 წლისაა, მეორე 21.
ორივე ბიჭი შეასახლეს პოლიტიკურად მტრულ გარემოში. ერთმა ბრიტვის გადაყლაპვა სცადა. ფიზიკურად სცემენ საკანში, აფურთხებენ, საჭმელს არ აჭმევენ. ციხის ადმინისტრაცია ფაქტებზე არ რეგირებს.
Levan Ioseliani გირეკავთ, არ მპასუხობთ და იქნებ შეასრულოთ თქვენი საქმე და დაიცვათ ეს ბიჭები ჯოჯოხეთისგან. ადვოკატები მზად არიან დეტალურად მოგიყვნენ მომხდარის შესახებ!
გადაიყვანეთ ორივე სამარტოო საკანში.
მთავარი არხი • Mtavari Arkhi TV Pirveli • ტელეკომპანია პირველი Formula • ფორმულა - კოლეგებო, გვჭირდებით".