(VIDEO) "თქვენი ფორთოხალი ვისროლე და უნდა გადავიხადოო... თქვენ მომავალი წაგვართვით-მეთქი" - კამათი დეპუტატთან მაღაზიაში
"ფეისბუქ" მომხმარებელი, მაღაზიის მეპატრონე მირანდა ჯობავა სოციალურ ქსელში ვიდეოს აქვეყნებს, სადაც მისი მეუღლე - "გირჩი მეტი თავისუფლების" წევრი - ვიტალი გუგუჩია და დეპუტატი ვიქტორ ჯაფარიძე "გამჭვირვალობის კანონის" თაობაზე კამათობენ მაღაზიაში:
"ბოდიშის მოსახდელად მოვიდა ხალხო, თქვენი ფორთოხალი ვისროლე და უნდა გადავიხადოო.
რა ფორთოხალი, თქვენ ჩემს ოთხ შვილს მომავალი წაართვით-მეთქი…
რა წავართვიოოო??? - მართლა არ მოელოდა ამ პასუხს.
რამდენიმე წუთი ვილაპარაკეთ, მერე ვიტამაც მომისწრო და რაღაც მომენტში ვიდეოს გადაღებაც მომაფიქრდა"
ვიდეოში, რომელიც სოციალურ ქსელში გუშინ გავრცელდეა, ისმის, როგორ ეძახის აქციის ერთ-ერთი მონაწილე მანქანებში მსხდომ დეპუტატებს: "მონებო, გარბიხართ ბიძინასთან, წაჰყევით მოსკოვში.."ამ დროს ერთ-ერთი მანქანიდან ოცნების დეპუტატი ვიქტორ ჯაფარიძე გადმოდის, რომელიც იქვე მდებარე ხილის დახლიდან ფორთოხალს იღებს და მოქალაქის მისამართით ისვრის.