პუტინის საიდუმლო რეზიდენციის ერთ-ერთი შენობა დაიწვა - რა ფოტოები ვრცელდება მედიაში
რუსეთში, ალთაის მხარეში, სამკურნალო საკურორტო კომპლექსის ერთ-ერთი შენობა დაიწვა. ამის შესახებ ინფორმაცია "ტელეგრამ" არხმა - Сирена-მ გაავრცელა. როგორც მედია წერს, შენობათა ეს კომპლექსი რუსეთის პრეზიდენტის, ვლადიმერ პუტინის არაოფიციალური რეზიდენციაა.
გამოაქვეყნეს ხანძრის ამსახველი ფოტოები, თუმცა ამ ფოტოების ავთენტიკურობა დადგენილი არ არის, თუმცა მედიის ინფორმაციით, ფოტოებზე დამუშავების კვალი არ აღინიშნება.
უცნობია, თუ რამ გამოიწვია ხანძარი და ასევე ისიც, თუ რა დანიშნულება ჰქონდა დამწვარ შენობას.
ინფორმაცია იმის შესახებ, რომ ალთაიში პუტინის "საიდუმლო რეზიდენციაა“ შენდებოდა, ჯერ კიდევ 2010 წელს გავრცელდა. 2011 წელს, დაცვის სამსახურის წარმომადგენლებმა ამ ტერიტორიაზე არ შეუშვეს "ნოვაია გაზეტას“ ჟურნალისტები. მათ თქვეს, რომ "ეს ადგილი განკუთვნილი იყო უმაღლესი სახელმწიფოს მოხელეთა დასასვენებლად". გააგრძელეთ კითხვა