საქართველო და სომხეთი ფიფას 2029 წლის 20-წლამდელთა მსოფლიო თასის მასპინძლობაზე ერთობლივ განაცხადს შეიტანენ
საქართველო და სომხეთი ფიფას 2029 წლის 20-წლამდელთა მსოფლიო თასის მასპინძლობაზე ერთობლივ განაცხადს შეიტანენ. ამის შესახებ საქართველოს ფეხბურთის ფედერაციის პრეზიდენტმა ლევან კობიაშვილმა განაცხადა.
"უკვე ოფიციალურად, შემიძლია ვთქვა, რომ ორი მეზობელი, მეგობარი, საფეხბურთო ისტორიით მდიდარი ქვეყანა ერთობლივად განაცხადს შევიტანთ 2029 წლის 20-წლამდელთა მსოფლიო ჩემპიონატის მასპინძლობაზე.
დიდი მადლობა მინდა გადავუხადო ჩემს სომეხ კოლეგას თანამშრომლობისთვის. ჩვენი ქვეყნებისთვის ეს ძალიან მნიშვნელოვანია. ამის გამოცდილება გვაქვს, ჩვენ მსგავსი ტურნირები ჩაგვიტარებია. იმედი მაქვს, გავიმარჯვებთ და ერთად ვუმასპინძლებთ ამ ყველაზე მნიშვნელოვან ტურნირს", - განაცხადა კობიაშვილმა.
SPORTALL.GE