პირველად-პუტინის მთავარი "სიამაყე", რუსული მე-5 თაობის Су-57-იც აფეთქებულია!
თავად რუსი სამხედრო პროპაგანდისტებიც აღიარებენ, რომ 8 ივნისს უკრაინელების საჰაერო დარტყმების შედეგად დაზიანებული იქნა რუსეთის შეიარაღებული ძალების „სიამაყე“- მე-5 თაობის მრავალფუნქციური საბრძოლო თვითმფრინავი Су-57-ი...
ასეთი აღიარების გაკეთება რუსულ მხარეს მას შემდეგ მოუწია, რაც უკრაინის თავდაცვის სამინისტროს დაზვერვის მთავარმა სამმართველომ გაავრცელა სენსაციური ინფორმაცია რუსეთის თავდაცვის სამინისტროს 929-ესახელმწიფო საფრენოსნო-საგამოცდო ცენტრის ბაზაზე, ახტუბინსკის სამხედრო აეროდრომზე არანაკლებ ორი უკრაინული კამიკაძე-დრონის ზუსტი საჰაერო შეტევისСу-57-ი ტიპის საბრძოლო თვითმფრინავის დაზიანების შესახებ და ამის დამადასტურებული ორი თანამგზავრული ფოტოც დადო-თავდასხმამდე და თავდასხმის შემდეგ...ეს თანამგზავრული ფოტოები შეიძლება არ გამოირჩევა მაღალი ხარისხით, მაგრამ სპეციალიტებს მათი დეშიფრირებისას არ უნდა გაუჭირდეთ იმის გარჩევა, რომ 7ივნისის ფოტოსგან განსხვავებით, 8 ივნისის ფოტოზე კარგად მოჩანს აეროდრომზე მდგარი რუსული Су-57-იდან ხუთიოდე მეტრში მომხდარი ორი აფეთქების, ასევე ხანძრის კვალიც-ასეთი ახლო აფეთქებების შედეგად თანამედროვე საფრენი აპარატის კომპოზიციური მასალისგან დამზადებული ფიუზელაჟი და ფრთა სერიოზულ დაზიანებებს მიიღებდნენ და დიდი ალბათობით ეს, რუსეთისთვის უახლესი საბრძოლო თვითმფრინავი, რომლის ღირებულებაც რამდენიმე ათეული მილიონი დოლარია, აღდგენას აღარ დაექვემდებარება...
Су-57-ი რუსეთისთვის და პირადად პრეზიდენტ პუტინისთვის სახელმწიფო დონის პიარის მთავარი შემადგენელი ნაწილი გახლდათ ბოლო 15 წლის განმავლობაში, „ზეტანკ“ „არმატასთან“ ერთად, რითაც კრემლი ცდილობდა დაენახვებინა მსოფლიოსთვის, რომ თითქოს რუსეთის სამხედრო-სამრეწველო კომლექსი არ ჩამორჩა ამერიკელებს და შექმნა მე-5 თაობის მრავალფუნქციური საბრძოლო თვითმფრინავი, რომელსაც ძალუძს სათანადო საბრძოლო პაექრობა გაუწიოს კარგად ცნობილ F-22A Raptor-ებსა და F-35 Lightning II-ს...
მაგრამ, თუკი დღეისათვის 195 ერთეული F-22A Raptor-ი და ათასამდე F-35 Lightning II-ი დაფრინავს, რუსეთის განკარგულებაში მხოლოდ 15-მდე Су-57-ი თუა და ისინიც ჯერ კიდევ საფრენოსნო გამოცდებს გადიან, რაზეც მეტყველებს საგამოცდო აეროდრომზე მისი აფეთქებაც.
ვრცელდებოდა არაოფიციალური ინფორმაციები იმის შესახებ, თითქოს რუსეთის სამხედრო ავიაცია Су-57-ებს ეპიზოდურად იყენებდა უკრაინასთან ომში და მისი საშუალებით უშვებდა კომპაქტურ მართვად ფრთოსან რაკეტებს, ისე, რომ არ მიახლოვებოდა უკრაინის საჰაერო თავდაცვის მოქმედების ზონას.
წესით ახტუბინსკის საგამოცდო აეროდრომი, რომელზეც ათწლეულების განმავლობაში იცდებოდა ჯერ საბჭოთა და შემდეგ რუსული საიდულო სამხედრო თვითმფრინავები და შვეულმფრენები, ყველაზე კარგად უნდა ყოფილიყო დაცული, იმის გათვალისწინებითაც, რომ ომის დაწყების შემდეგ უკრაინულმა მხარემ შესძლო ზუსტი საჰაერო დარტყმები განეხორციელებინა ათზე მეტ რუსულ სამხედრო აეროდრომზე და იქ ძვირადღირებული საავიაციო ტექნიკა გაენადგურებინა...მაგრამ ასე არ მოხდა-უკრაინის ფრონტის ხაზიდან თითქმის 600 კმ-ით დაშორებულ ახტუბინსკის აეროდრომზე, პუტინისპირადი „სიამაყე“-Су-57-ი ღია ცის ქვეშ ყოველგვარი დაცვის გარეშე ეყენა და უკრაინელების შურისძიებამაც არ დააგვიანა...