ესპანეთში უკვე პენალტებზე ფიქრობენ - რას წერს ესპანური მედია დღევანდელ შეხვედრაზე საქართველოსა და ესპანეთს შორის
როგორც ესპანური პოპულარული გამოცემა AS წერს, ევროპის ჩემპიონატის პლეი-ოფში უკვე ყველაფერი შესაძლებელია მოხდეს და ამიტომ, შესაძლო პენალტების სერიის განხილვაცაა საჭირო.
წყარო უშუალოდ საქართველოს ნაკრების მეკარის, გიორგი მამარდაშვილის სტატისტიკაზე ამახვილებს ყურადღებას.
ირკვევა, რომ "ჯვაროსანთა" მეკარეს კარიერაში ჯამში 19 პენალტი დაურტყეს, საიდანაც 5 მოიგერია (3 "ვალენსიაში" და 2 "ლოკომოტივში").
უშუალოდ პენალტების სერიაში გიორგიმ 4-ჯერ ითამაშა. 17 თერთმეტმეტრიანიდან 1 მოიგერია (საბერძნეთთან) რაც წარმატების 5,88%-ს აძლევს.
შეგახსენებთ, რომ ევროპის ჩემპიონატის მერვედფინალური შეხვედრა საქართველოსა და ესპანეთს შორის თბილისის დროით 23:00 საათზე დაიწყება.