"ორდღიანი ძებნის შემდეგ ჩვენი სტუდენტის დაღუპვის ფაქტი სამწუხაროდ დადასტურდა" - ცნობილია კვარიათში, ზღვაში დაღუპული გოგოს ვინაობა
რამდენიმე დღის წინ კვარიათში ზღვაში ორი ადამიანი გაუჩინარდა. ერთ-ერთი გარდაცვლილი ახალგაზრდა საჩინო მაკარიძეა. როგორც ცნობილი ხდება, ის დასთან და სტუმარ გოგონასთან ერთად იმყოფებოდა ზღვაზე. ტრაგედია იმ დროს მოხდა, როცა საჩინო ერთ-ერთი გოგონას დახმარებას ცდილობდა, რომელმაც სავარაუდოდ ცურვა არ იცოდა.
მეორე გარდაცვლილი თსუ-ს სტუდენტი, ელიზავეტა ხოშტარიაა.
ამის შესახებ ინფორმაციას უნივერსიტეტი ავრცელებს:
"ტკივილი და დანაკარგი ოჯახისთვის, მეგობრებისთვის, უნივერსიტეტისთვის - ელიზავეტა ხოშტარია, თსუ ეკონომიკისა და ბიზნესის ფაკულტეტის სტუდენტი.
ორდღიანი ძებნის შემდეგ ჩვენი სტუდენტის დაღუპვის ფაქტი სამწუხაროდ დადასტურდა.
ივანე ჯავახიშვილის სახელობის თბილისის სახელმწიფო უნივერსიტეტი მწუხარებას გამოთქვამს ამ დიდი ტრაგედიის გამო და უსამძიმრებს მის ოჯახს, მეგობრებს, მთელ საქართველოს" - ნათქვამია განცხდებაში.
.